web counter
LEXO PA REKLAMA!

SHKARKO APP

App Store
Google Play

Pas komisionit hetimor për Ramën/ Berisha zbulon lëvizjen e radhës

3 Shkurt 2023, 12:57, Politikë CNA

Pas komisionit hetimor për Ramën/ Berisha zbulon lëvizjen e

Kreu i PD-së, Sali Berisha, gjatë konferencës me gazetarët theksoi se largimi i Edi Ramës është kusht dhe domosdoshmëri. Berisha foli më tej lidhur me ngritjen e Komisionit Hetimor për Ramën, teksa shtoi se gjetjet do t’ua çojnë autoriteteve në SHBA.

“Edi Rama nuk njeh gjuhë tjetër veç frikës. Populli do t'i tregojë frikën. Ai nuk mund të qëndrojë më. Ai ka turpëruar çdo shqiptar. I ka futur thikë pas shpine, në fushën më sensitive, partnerit kryesor të Shqipërisë dhe kryeaksionerit, liderit në fushën e paqes dhe sigurisë botërore. Edi Rama nuk mund të qëndrojë duke mohuar dhe duke mashtruar shqiptarët se nuk ka lidhje me mua. Nuk mund të mohojë kur emri i tij është 14 herë në aktpadi. Ndërkohë, u depozitua në parlament kërkesa për hetim parlamentar, e firmosur nga 44 deputetë. Ata kanë deklaruar se nuk do ta pranojnë, por i garantoj shqiptarët se komisioni do ngrihet dhe Edi Rama do largohet nga pushteti. Komisioni do japë një kontribut të madh në hetimin e këtij problemi. Gjetjet e tij do t'ua përcjellë autoriteteve të SHBA-së. Sikundër komisioni do të përpiqet, në rrugë zyrtare, të vendosë lidhje edhe me komisionin e Kongresit të SHBA-së, për të hetuar me gjetje dhe fakte të shumta”, tha Berisha.

Berisha “shënjestroi” edhe SPAK-un, ku shtoi më tej se McGonigal është përdorur nga Rama për qëllime të ndryshme, por duhet saktësuar se për çfarë arsyesh janë zhvilluar takimet, kush e shoqëronte apo cilat janë lidhjet.

“Këtu McGonigal është përdorur nga Edi Rama për qëllime nga më të ndryshmet. Duhet të saktësohet se çfarë arsye kanë pasur takimet e tij me SPAK-un e partisë, çfarë kërkesash ka shtruar McGonigal në SPAK-un e partisë ndaj kundërshtarëve të Edi Ramës? Kush e shoqëronte atë? Cilat janë lidhjet? Komisioni hetimor parlamentar është jetik për Shqipërinë. Kjo është një ngjarje nga më të rëndat në historinë e vendit,” tha Berisha./CNA.al





Lajmet e fundit nga