web counter
LEXO PA REKLAMA!

SHKARKO APP

App Store
Google Play

Basha i vë të gjitha në terezi/ Merret me Kosovën

3 Shkurt 2023, 22:45, Politikë CNA
Basha i vë të gjitha në terezi/ Merret me Kosovën
Ish-kryetari i PD-së, Lulzim Basha

Ish-kryetari i PD-së, Lulzim Basha, pas një shkëputje të gjatë nga ekranet, tashmë duket se i ka vënë të gjitha në terezi dhe na ka folur për Kosovën.

Pas mbajtjes së fjalës në Këshillin e Europës, Basha tha se diskutimet për dialogun Kosovë-Serbi kanë qenë të frytshme.

“Në tërësi diskutimet kanë qenë jashtëzakonisht të frytshme, sepse kanë treguar domosdoshmërinë për të ecur përpara me vendimmarrjen e Këshillit të Europës, përkatësisht të Këshillit të Ministrave dhe Asamblesë Parlamentare për të anëtarësuar Kosovën si një anëtare me të drejta të plota në Këshillin e Europës dhe ky ka qenë pikërisht lajmmotivi jo vetëm i fjalës sime por i shumicës dërrmuese të atyre që morën pjesë në debatin për tensionin mes Beogradit dhe Prishtinës.

Unë mendoj se jo vetëm u kalua një çështje episodike si kjo, por u shtrua fare qartë domosdoshmëria për të ecur përpara me anëtarësimin e Kosovës në Këshillin e Europës dhe siç e vutë re jo vetëm unë, por dhe disa folës të tjerë shtruan edhe nevojën për njohjen e Kosovës nga 5 vende të tjera anëtare të Bashkimit Europian. E gjitha kjo ndodh në një kontekst politik ku kemi një intensifikim të përpjekjeve të SHBA dhe BE për dialogun midis Kosovës dhe Serbisë me qëllim atë që quhet normalizim i marrëdhënieve mbi bazën e një plani europian, apo franko-gjerman, ku një nga produktet më kryesore të këtij plani dhe më të rëndësishmet është anëtarësimi i plotë i Kosovës në institucionet ndërkombëtare çfarë është edhe faza përmbyllëse e njohjes së Kosovës”, u shpreh ai për një media online.

Në pyetjen se si mund të zgjidhet dialogu mes dy shteteve, Basha i ka rënë rrotull dhe nuk ka dhënë një të tillë.

“Sigurisht që kam mendimet e mia dhe nuk nguroj t’i ndaj ato lirisht me përfaqësuesit dhe udhëheqësit e Kosovës, por mendoj se barra e përgjegjësisë dhe e vendimmarrjes i takon qytetarëve të Kosovës dhe përfaqësuesve të tyre politikë, pra drejtuesve të institucioneve të Republikës së Kosovës”, deklaroi ish-kreu i PD-së./ B.A. - CNA.al





Lajmet e fundit nga