web counter
LEXO PA REKLAMA!

SHKARKO APP

App Store
Google Play

Berisha ngre akuzat/ Si ndikoi Carlo Bollino me mediat e tij te shpallja ime “non-grata”

6 Shkurt 2023, 21:38, Politikë CNA
Berisha ngre akuzat/ Si ndikoi Carlo Bollino me mediat e tij te shpallja ime
Kreu i PD-së, Sali Berisha

Kreu i PD-së, Sali Berisha ka akuzuar Carlo Bollinon dhe mediat e kontrolluara nga George Soros se kanë ndikuar në shpalljen e tij “non-grata” nga SHBA.

Në një intervistë me Çim Pekën, Berisha tha se DASH është bazuar për shpalljen “non-grata” në raportet e mediave të Bollinos dhe ato të sponsorizuara nga Soros.

Ai shprehu 100% siguri për këtë deklaratë, ndërsa theksoi se këtë gjë nuk mund ta thotë për ish-zyrtarin e FBI-së, Charles McGonigal.

Kryedemokrati nënvizoi se deri më tani nuk ka fakte që McGonigal të ketë ndikuar te vendimi i DASH.

“Unë nuk e kam akuzuar dhe nuk e akuzoj McGonigal se është autori i shpalljes time “non-grata” sepse nuk kam fake. Yuri Kim ka deklaruar vetëm disa orë pas shpalljes time “non-grata”, i ka thënë një bashkëpunëtores time se dosjen e ka përgatitur FBI. DASH ka deklaruar se është bazuar në marrjen e vendimit në raportet e mediave, raportet e sponsorizuara nga Soros dhe ato të Edi Ramës, këto tre burime kanë qenë të rreshtuara. E kishte fare të thjeshtë të thoshte që e kemi të bazuar në raportet e agjencive tona, kjo më ka penguar që të konsideroj burime të tjera. Por meqë po pyet, burime të vetme, janë mediat e Giorge Soros dhe Carlo Bollinos, kjo është 100% e gjetur. Dhe për hir të së vërtetës i kanë verifikuar e kanë gjetur zero prova, kanë qenë mashtrime. Është turp t'i shohë kush”, tha Berisha./ B.A. – CNA.al





Lajmet e fundit nga