web counter
LEXO PA REKLAMA!

SHKARKO APP

App Store
Google Play

E fundit!

x

Berisha "prek në plagë" të rinjtë/ “Të shpëtohet vendi, në 8 vite është larguar 35% e popullsisë”

7 Shkurt 2023, 19:29, Politikë CNA

Berisha "prek në plagë" të rinjtë/ “Të

Kreu i PD-së zhvilloi sot një takim me të rinjtë e FRPD-së, ku foli për të dhënat e fundit për largimin e shqiptarëve.

Berisha duke cituar Eurostatin, tha se nga viti 2014 deri në fund të vitit 2022, janë larguar nga Shqipëria drejt BE-së, 934 mijë persona.

Berisha theksoi se ky vend vetëm po braktiset dhe ka nevojë më shumë se kurrë të shpëtohet, pasi në vetëm 8 vite janë larguar 35% e popullsisë.

“Tre ditë më parë Eurostati njofton se nga 2014 deri në fund të 2022 numri i shqiptarëve të larguar vetëm në hapësirën e BE-së, ka arritur 934 mijë vetë. Ka arritur pra në më shumë se 33% të popullatës, por po të shtojmë këtu edhe ata që janë larguar në vendet jo anëtare të BE-së, kjo shifër shkon edhe te 35% së paku. Imagjinoni se në çfarë situate është katandisur sot, ky komb dhe ky vend. Kur lexon këto shifra dhe sheh ju këtu, secili mund të habitet se edhe pse ju nuk keni ikur. Jetojmë sot në një kohë kur ky vend braktiset dhe vetën braktiset.

Braktiset natën, ditën, braktiset me anije, braktiset me rrugë tokësore, braktiset me rrugë ajrore. Ju garantoj se nuk po braktiset vetëm vendi nga popullata, por po braktiset e nesërmja për vendin. Ky vend nëse vazhdon kështu, nuk ka të nesërme, nuk ka të ardhme. Ky vend sot ka nevojë më shumë kurrë të shpëtohet. Luftërat i largojnë njerëzit, në luftëra vdesin nga fronti, nga sëmundje nga shumë probleme. Vendi që është pakësuar në histori më shumë nga luftëra dhe ishte luftë botërore ka qenë Polonia dhe ajo ka humbur 20%, të popullit të vet, me të vrarë, me largim etj. Shqipëria humbet në një hark kohore 8 vjeçar, 35 % të popullsisë së vendit”, tha Berisha./ CNA.al





Lajmet e fundit nga