E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Berisha ngre alarmin/ “Krimi e droga po sjellin pasoja katastrofale”

25 Shkurt 2023, 12:51, Politikë CNA

Kreu i PD-së, nga Gjirokastra, kujtoi lëvizjen e vitit 1990, teksa u shpreh se falë atij revolucioni, sot ne jemi në NATO dhe lëvizim lirshëm pa viza.

Berisha theksoi se edhe pse 32 vite më vonë, sot gjendemi në një monizëm të plotë, të bazuar te krimi e droga.

Kryedemokrati vuri në dukje shpopullimin, ku u shpreh se ky monizëm i dytë ka pasur pasoja katastrofale për vendin, pasi sipas tij vetëm në Gjirokastër janë larguar 40 për qind e banorëve.

“Revolucioni i vitit 1990 solli në arenë, në skenë forcën politike që do mbronte interesin kombëtar, që do t'i dilte zot çështjes shqiptare. Sot, pas 32 vitesh, Shqipëria është vite dritë larg nga ajo periudhë në shumë aspekte. Sot Shqipëria, falë atij revolucioni është anëtare e NATO-s, tani ka hapur negociatat, shqiptarët lëvizin lirshëm në hapësirën e Shengenit.

Por prapë sot, pas 32 vitesh, ne jemi në një monizëm të plotë njëlloj si 32 vite më parë. Nëse monizmi i 32 viteve më parë bazohej në një doktrinë çnjerëzore të marksizëm-leninizmit, sot ky monizëm nuk është i bazuar më këtë doktrinë.

Ky monizëm është i bazuar në krimin, i cili në disa aspekte tejkalon çdo lloj standardi, është i bazuar në drogën, që në pamje të parë duket sikur sjell dobira, por paraja e drogës është toksike. Asnjë vend nuk është zhvilluar nga krimi dhe droga.

Le të marrim Tiranën sot. Tirana është vendi me treguesin më të lartë të ndërtimeve në Europë. Normalisht, sipas të gjitha ligjeve të tregut, Tirana duhet të kishte çmimet më të arsyeshme të apartamenteve, por ajo i ka të tretat më të shtrenjtat në Europë. Sepse zoti i tregut nuk është ekonomia që krijuan qytetarët, por narko-eurot.

Ky monizëm i dytë ka pasur pasoja katastrofale për vendin. 40 për qind e banorëve të Gjirokastrës janë larguar”, u shpreh Sali Berisha./CNA.al