web counter
LEXO PA REKLAMA!

SHKARKO APP

E fundit!

x

Basha, në shërbim të Veliajt/ Kryebashkiaku i shpërblen ushtarin me tender rreth 100 milionë lekë

19 Gusht 2024, 14:24, Politikë CNA
Basha, në shërbim të Veliajt/ Kryebashkiaku i shpërblen
Fotomontazh - Blendi Sulaj, Lulzim Basha dhe Erion Veliaj

CNA ka denoncuar lidhjet dhe shërbimin që Lulzim Basha dhe njerëzit e tij i bëjnë kryebashkiakut të Tiranës, Erion Veliaj.

Basha dhe ushtarët e tij kanë heshtur për arrestimet e drejtorëve të Veliajt, të cilët janë përfshirë në aferën e inceneratorëve apo në korrupsionin me dosjen “5D”. (Lexo këtu)

Shpesh Basha dhe ushtarët e tij i kanë shërbyer Veliajt, qoftë me heshtje, apo edhe me mbrojtje dhe në këmbim kryebashkiaku i ka shpërblyer me tenderë. 

Basha, në shërbim të Veliajt/ Kryebashkiaku i shpërblen
Fotomontazh - Erion Veliaj, në sfond Bashkia e Tiranës

Më parë kemi përmendur rastin e Agron Kapllanajt që ka marrë tenderë nga qeveria, sot po sjellim një tjetër rast. (Lexo këtu)

Bëhet fjalë për Blendi Sulajn, kryetarin e forumit rinor të Lulzim Bashës, i cili nuk ka më as parti.

Basha, në shërbim të Veliajt/ Kryebashkiaku i shpërblen
Blendi Sulaj dhe Lulzim Basha

Blendi Sulaj, i cili ka qenë kandidat i Lulit për deputet në Tiranë në zgjedhjet e vitit 2014, ka marrë një tender nga Bashkia e Tiranës.

Tenderin ai e ka marrë me kompaninë “ASINVESTMENT”, ku rezulton aksioner me 100% i aksioneve dhe njëkohësisht është edhe administrator.

Basha, në shërbim të Veliajt/ Kryebashkiaku i shpërblen
Të dhënat e kompanisë "ASINVESTMENT" nga "Open Data"

“ASINVESTMENT” ka fituar tenderin e bashkisë së Veliajt për “Rikonstruksionin e Urës Mustafa Koçaj, Njësia Administrative Baldushk”.

Nga të dhënat e “Open Data”, ky prokurim publik rezulton me flamur të kuq, për shkak të skualifikimit të të gjithë operatorëve konkurrues, përveç kompanisë së Sulajt.

Basha, në shërbim të Veliajt/ Kryebashkiaku i shpërblen
Të dhënat për tenderin e fituar nga "ASINVESTMENT", në "Open Data"

“ASINVESTMENT” e Sulajt është shpallur fituese më 31 janar të 2024-ës, me fond rreth 100 milionë lekë të vjetër.

Pra, Veliaj i ka dhënë ushtarit të Bashës një tender rreth 100 milionë lekë dhe këtë e ka bërë në shkelje të procedurave./ CNA





Lajmet e fundit nga