web counter
LEXO PA REKLAMA!

SHKARKO APP

App Store
Google Play

Vajza dhunohet live në "reality show"/ Gazetari, i revoltuar: Skandal! Duhet t’i merret licenca këtij televizioni

15 Shtator 2022, 11:31, Lifestyle CNA

Një video nga një "reality show" në Kosovë ka bërë xhiron e rrjetit, ndërsa ka shkaktuar reagime të shumta.

Një vajzë banore e “It’s my home” dhunohet nga një djalë, i cili po ashtu është banor i kësaj shtëpie. Në video shihet djali që godet me shapkë vajzën në fytyrë. Vajza nis të qajë, ndërsa djali thjesht shkon dhe merr shapkën sikur s’ka ndodhur asgjë.

Ai justifikohet duke thënë se vajza në fjalë i përmendi nënën një tjetër konkurrenteje, nëna e së cilës kishte ndërruar jetë. Ajo që është dhe më shqetësuese është fakti se as produksioni dhe Autoriteti Televiziv i Kosovës nuk ka marrë asnjë masë rreth kësaj skene, duke lejuar promovimin e dhunës.

Një tjetër banore dëgjohet duke thënë: “Bravo, mirë ia bëre”. E përlotur, banorja që u sulmua dëgjohet teksa thotë “S’kam ardhur me më rrahur këtu”. Lidhur me këtë ngjarje ka reaguar dhe gazetari Vehbi Kajtazi, i cili kërkon t’i hiqet licenca medias që ka këtë emision.

“Ku eshte Komisioni i Pavarur i Mediave? Pse lejohet dhuna live në TV sado periferik qe eshte ai Televizion? Kjo eshte skandaloze, antinjerezore, bizare dhe e flliqt. Duhet te ndalet menjehere dhe t'i merret licenca ketij televizioni pa asnje vlere. Horra!”, shkruan ai./CNA.al

 





Lajmet e fundit nga