Prapaskenat/ Pse Kledi Kadiu pranoi intervistë dhe Bora qëndroi në fund të programit?

2 Tetor 2022, 11:00, Lifestyle CNA

Prapaskenat/ Pse Kledi Kadiu pranoi intervistë dhe Bora qëndroi

Mbrëmjen e djeshme në programin “Më Lër Të Flas” në "TCH", nisi sezonin e ri televiziv ku dy të ftuarit ishin, balerini Kledi Kadiu dhe moderatorja Bora Zemani.

Kledi Kadiu foli lidhur me rrugëtimin e ri në emisionin e ri ku do të prezantojë Bora Zemani dhe Eno Popi, bashkë me Donaldin në "golden room", ndërkohë që preku edhe një moment shumë delikat nga jeta e tij familjare, problemin shëndetësor të djalit të tij të vogël.

Me lot në sy ai ndau pak nga hidhërimi i tij, edhe pse arriti të qëndrojë i fortë gjatë rrëfimit, ndërkohë që Bora Zemani foli po ashtu për programin e ri, por sqaruan një herë e mirë raportin e saj me Donaldin, duke nisur nga momenti kur kishin shkruar për herë të parë dhe si ka rrjedhur gjithë historia pas daljes së Donaldit nga “Big Brother”.

Dyshja treguan se ka qenë Semi ajo që ka bërë të mundur rlidhjen e kontakteve dhe mesazhi i parë i Donaldit ka qenë “Dua të të shkruaj, po nuk e di çfarë të them”, për të vijuar më tej deri te momenti kur ata shpallën ribashkimin e tyre.

Kjo ishte gjithçka sa i takote emisionit, i cili mbrëmë bëri shumë bujë, por le të ndajmë disa “sekrete” me ju nga bota e televizionit.

Burime për CNA.al, kanë mësuar se balerini Kledi Kadiu është ftuar edhe më herët në programe televizive shqiptare, nga televizione konkurrente të "TCH", menjëherë pas daljes së tij në programin italian “Verissimo”, ku bashkë me gruan ndanë historinë e tyre të trishtë, ku treguan se djali i tyre vuan meningo-encofaliti, por Kledi Kadiu nuk ka pranuar të jetë as në një lidhje SKYPE nga Italia.

Mbase ka qenë shumë shpejt për të rrëfyer historinë, apo mbase ato që ka pasur për të thënë i tha atje, por atehëre pse e bëri në programin e binjake dhe përse ai u la në pjesën e parë.

Natyrisht që gjëja e parë që kuptohet është se ai ka pranuar intervistën pasi tashmë ai punon në "Top Channel", dhe për të promovuar emisionin e ri që do të nisë, siç ka ndodhur edhe me emisionet e tjera që janë promovuar në programin “Më Lër Të Flas”.

E dyta është për shkak të audiencës, që do të sillte Bora në program atë natë sepse pjesa më e madhe e spotit ishte e përqëndruar në këtë histori. Edhe lajmet më të shumta nga video-promoja dolën nga pjesa e Borës dhe Donaldit.

Dhe logjikisht këtu ka një marrëveshje, pasi Kledi e ka rrëfyer më parë historinë e tij dhe ai nuk përbën më lajm due qenë se ngjarja është e re. Natyrisht i është thënë që do të jetë me Bora Zemanin në emision dhe audienca do të jetë shumë e lartë, për shkak se telenovela është e freskët. Duke qenë se e gjithë vëmendja do të ishte aty, ai është lënë në pjesë të parë që audience të ishte në pritje dhe të ndiqte edhe intervistën e balerinit, duke qenë në pritje për të parë se çfarë do të ndodhë në pjesën e Borës. Gjithçka është një marrëveshje e shprehur, por natyrisht kjo nuk i heq meritën atij që e ka menduar këtë metodë, pasi ka arritur qëllimin./CAN.al