web counter
LEXO PA REKLAMA!

SHKARKO APP

App Store
Google Play

Vrasja e Pjetër Kolës në Pukë/ Arrestohet pas një viti autori

11 Shtator 2023, 16:16, Kronika CNA
Vrasja e Pjetër Kolës në Pukë/ Arrestohet pas një viti
Foto ilustruese

Policia ka arrestuar këtë të hënë autorin e vasjes së Pjetër Kolës në Pukë, në 27 shtator të 2022-shit.

Blutë bëjnë me dije se kanë vënë në pranga shtetasin me Maltin Gjini, alias Anton Gjini.

Policia njofton se viktima dhe autori kanë qenë bashkëpunëtorë për kultivim të bimëve narkotike.

Ata janë konfliktuar me njëri-tjetrin dhe Gjini e ka qëlluar me armë, gjë që dërgoi në humbjen e jetës së Kolës.

Ndërkohë, Gjykata e Pukës ka caktuar masën e sigurisë “arrest me burg” për Matlin Gjinin, i cili akuzohet për 3 vepra penale.

“Specialistët për Hetimin e Krimeve të DVP Shkodër ndaluan shtetasin M. Gj., 37 vjeç, banues në fshatin Kalivaç, Lezhë, pasi Gjykata e Pukës i ka caktuar masën e sigurisë “Arrest në burg”, për veprat penale “Vrasja me dashje”, “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe shitja e narkotikëve”. 37-vjeçari akuzohet se më datë 27.09.2022, në fshatin Kurthpulë, Pukë, ka vrarë me armë zjarri, shtetasin P. K., për shkak të mosmarrëveshjeve ndërmjet tij dhe viktimës, të cilët dyshohet se kanë qenë bashkëpunëtorë për kultivim të bimëve narkotike”, thuhet në njoftimin e policisë./ CNA





Lajmet e fundit nga