E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Makinën plot me emigrantë të jashtëligjshëm/ Arrestohet i riu në Vlorë

11 Shtator 2023, 10:57, Kronika CNA

Makinën plot me emigrantë të jashtëligjshëm/ Arrestohet

Policia në Vlorë ka arrestuar 31-vjeçarin me iniciale I. S. për transport ilegal të klandestinëve.

Uniformat blu bëjnë me dije se në afërsi të fshatit Drashovicë, në aksin rrugor Peshkëpi-Vlorë, u ndalua për kontrolle, automjeti tip “Ford Focus”, me drejtues 31-vjeçarin, ku në të u gjendën 8 emigrantë të jashtëligjshëm.

Njoftimi i policisë:
Finalizohet operacioni policor i koduar “Drashovica”, për goditjen e një tjetër rasti të dhënies ndihmë shtetasve të huaj, kundrejt pagesave, për kalim të kundërligjshëm të kufirit.
Transportonte 8 shtetas afganë, kundrejt pagesave, që ata të kalonin ilegalisht kufirin, arrestohet në flagrancë 31-vjeçari.
Sekuestrohen automjeti me të cilin transportoheshin emigrantët, shuma parash në euro dhe në dollarë, të përfituara nga transportimi, dhe 1 celular.
Në vijim të operacioneve policore të realizuara për goditjen e rasteve të dhënies ndihmë shtetasve të huaj, kundrejt pagesave, për kalim të kundërligjshëm të kufirit, si dhe në bazë të informacioneve të siguruara nga inteligjenca policore, specialistët e Seksionit për Hetimin e Trafiqeve të Paligjshme të DVP Vlorë, finalizuan operacionin policor të koduar “Drashovica”, si rezultat i të cilit u arrestua në flagrancë shtetasi I. S., 31 vjeç, banues në Lushnjë.
Në afërsi të fshatit Drashovicë, në aksin rrugor “Peshkëpi-Vlorë”, u ndalua për kontrolle, automjeti tip “Ford Focus”, me drejtues 31-vjeçarin. Në këtë automjet ishin 8 emigrantë me shtetësi afgane, të cilët po transportoheshin nga shtetasi I. S., kundrejt pagesave, me qëllim kalimin e kundërligjshëm të kufirit, drejt vendeve të BE-së.
Me cilësinë e provës materiale u sekuestrua automjeti “Ford Focus”, 150 dollarë dhe 50 euro, të dyshuara të përfituara nga kjo veprimtari kriminale, si dhe 1 celular.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.