web counter
LEXO PA REKLAMA!

SHKARKO APP

App Store
Google Play

Policia gjurmon makinën me emigrantë ilegalë/ 23-vjeçari tenton të ikë dhe përplaset me murin

1 Gusht 2022, 16:36, Kronika CNA
Policia gjurmon makinën me emigrantë ilegalë/ 23-vjeçari
Foto nga vendngjarja

Në bazë të informacioneve se një shtetas do të transportonte me një automjet tip "Rang Rover", emigrantë të paligjshëm, në drejtim të Tiranës, kundrejt fitimit, blutë koordinuan veprimet dhe në aksin rrugor Korçë-Maliq bënë të mundur lokalizimin e automjetit me drejtues shtetasin K. Z., të cilit i bënë shenjë të ndalonte.

23-vjeçari nuk i është bindur urdhrit të tyre, por ka ndërruar drejtimin e lëvizjes dhe është larguar me shpejtësi në drejtim të Korçës. Në afërsi të kryqëzimit të fshatit Çiflig, Korçë, për shkak të shpejtësisë, automjeti ka dalë nga rruga dhe është përplasur me një mur rrethues, duke shkaktuar vetëm dëme materiale.  

Pas aksidentit, drejtuesi i automjetit, shtetasi K. Z., pasi ka vënë re se ishte akoma nën ndjekjen e Policisë, ka braktisur automjetin dhe duke përfituar nga errësira, ka mundur të largohet nga vendngjarja.

Në automjetin e braktisur u gjetën shtetasja G. L., e cila u arrestua nga Policia, si dhe 6 emigrantë të paligjshëm, të cilëve kundrejt fitimit, iu ishte premtuar kalimi drejt vendeve të BE-së.     

Gjithashtu, në vijim të veprimeve për këtë rast, u arrestua edhe shtetasi K. L.,  i cili është afruar në vendin e ngjarjes dhe është konfliktuar me punonjësit e Policisë, gjatë kryerjes së detyrës, duke mos iu bindur urdhrit të tyre për t'u larguar dhe duke i kundërshtuar me dhunë ata. Nga veprimet hetimore dyshohet se shtetasja G. L. dhe shtetasi K. L. janë të përfshirë në këtë veprimtari të paligjshme. 

Po vijon puna për kapjen e shtetasit K. Z. dhe dokumentimin e plotë të këtij rasti.  

Ndërkaq, materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme./ B.A. - CNA.al







Lajmet e fundit nga