LEXO PA REKLAMA!

SHKARKO APP

Kallashnikov e municion luftarak në makinë/ “Shqiponjat” kapin në flagrancë 33-vjeçarin me dy mbiemra

1 Gusht 2022, 15:03, Kronika CNA
Kallashnikov e municion luftarak në makinë/ “Shqiponjat”
Foto nga vendngjarja

Forca e Posaçme “Shqiponja”, në bashkëpunim me Komisariatin e Policisë Nr. 4, ka finalizuar me sukses operacionin e koduar “Driver”, për goditjen e veprimtarisë kriminale në fushën e armëmbajtjes pa leje.

Pas hekurave ka përfunduar 33-vjeçari Vilson Hamza (Rama) nga kryeqyteti, i cili lëvizte me një kallashnikov në mjetin e tij.

Njoftimi i policisë:

Sekuestrohen 1 armë zjarri kallashnikov, krehër dhe municion luftarak. Vihet në pranga drejtuesi i automjetit ku u gjetën arma dhe municioni luftarak, procedohen në gjendje të lirë 2 pasagjerët.

Shërbimet e Forcës së Posaçme “Shqiponja”, në bashkëpunim me Komisariatin e Policisë Nr. 4, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në rrugën “Myslym Keta”, në një automjet, qarkullonin persona të armatosur, kanë organizuar punën dhe kanë finalizuar me sukses operacionin policor të koduar “Driver”.

Si rezultat i këtij operacioni, u arrestua në flagrancë shtetasi V. H. (R)., 33 vjeç, banues në Tiranë.

Gjithashtu, u proceduan penalisht në gjendje të lirë, shtetasit I. R., 41 vjeç dhe B. Z., 33 vjeç.

Në rrugën “Myslym Keta”, shërbimet e Policisë kanë ndaluar automjetin me drejtues shtetasin V. H. (R). dhe pasagjerë shtetasit I. R. dhe B. Z.

Gjatë kontrollit të automjetit, në bagazh, shërbimet e Policisë gjetën dhe sekuestruan, në cilësinë e provës materiale, një armë zjarri kallashnikov, krehër dhe municion luftarak.

Materialet i kaluan Prokurorisë, për veprime të mëtejshme procedurale.

 

Lajmet e fundit nga