web counter
LEXO PA REKLAMA!

SHKARKO APP

App Store
Google Play

Policët e rrugores solidarizohen me 22-vjeçarin/ Dhurojnë gjak për të riun e aksidentuar

31 Korrik 2022, 17:28, Kronika CNA
Policët e rrugores solidarizohen me 22-vjeçarin/ Dhurojnë gjak
Polici duke dhuruar gjak

Një grup i punonjësve të Komisariatit të Policisë Rrugore Tiranë janë organizuar me iniciativën e tyre dhe kanë shkuar gjatë mesditës së sotme, në Spitalin e Traumës, për të dhuruar gjak.

Gjesti i tyre vjen si reagim solidar ndaj një apeli për të dhuruar gjak, të shpërndarë në rrjetet sociale, nga familjarët 22-vjeçarit Franko Mancellari, i cili u aksidentua dy ditë më parë me motoçikletë, në Gjirokastër.

Iniciativa sensibilizuese e punonjësve të Komisariatit të Policisë Rrugore synon të përcjellë mesazhin se mbërritja i sigurtë në destinacion duhet të jetë prioriteti i çdo udhëtimi që bëni.

“Punonjësit e Policisë Rrugore gjenden pranë qytetarëve, jo vetëm për të ndëshkuar, në rastet e moszbatimit të rregullave të qarkullimit, por edhe për të ofruar gatishmëri dhe solidaritet në ato raste kur ngjarjet rrugore kanë rrezikuar jetën dhe shëndetin e tyre.

Përmes këtij akti human, Policia Rrugore fton sërish të gjithë qytetarët që të respektojnë rregullat e qarkullimit rrugor, me qëllimin e vetëm, parandalimin e aksidenteve që rrezikojnë jetën dhe shëndetin e tyre. Së bashku për të mbrojtur jetën!”, thuhet ndër të tjera në një njoftim policie./ B.A. – CNA.al





Lajmet e fundit nga