web counter
LEXO PA REKLAMA!

SHKARKO APP

App Store
Google Play

Tregtonte medikamente mjekësore kontrabandë, që i mbante në banesë/ E pëson keq 52-vjeçari

29 Korrik 2022, 09:22, Kronika CNA

Tregtonte medikamente mjekësore kontrabandë, që i mbante në

Policia e Tiranës ka finalizuar me sukses operacionin policor të koduar “Medicines”, në kuadër të të cilit është goditur një rast i tregtimit të ilaçeve kontrabandë.

Gjatë këtij operacioni është vënë në pranga 52-vjeçari I.M., si dhe është proceduar në gjendje të lirë 1 shtetase që blinte medikamentet e dyshuara të kontrabanduara.

“Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, se një shtetas mbante në banesën e tij, sasi të konsiderueshme medikamentesh mjekësore, të dyshuara të kontrabanduara, organizuan dhe finalizuan operacionin policor të koduar 'Medicines'.

Si rezultat i këtij operacioni u bë arrestimi në flagrancë i shtetasit I. M., 52 vjeç, banues në Tiranë, për veprat penale 'Tregtimi dhe transportimi i mallrave që janë kontrabandë', 'Ruajtja apo depozitimi i mallrave që janë kontrabandë' dhe 'Fshehja e të ardhurave'.

Gjithashtu, u procedua penalisht shtetasja M. G., 47 vjeçe, banuese në Tiranë.

Këta shtetas janë kapur në flagrancë, nga shërbimet e Policisë, në rrugën 'Medar Shtylla', gjatë momentit që shtetasja M. G. po i blinte një sasi medikamentesh shtetasit I. M.

Gjatë kontrollit të ushtruar në banesën e shtetasit I. M., në Komunën e Parisit, shërbimet e Policisë gjetën dhe sekuestruan, në cilësinë e provës materiale, sasi të konsiderueshme medikamentesh mjekësore, pa pullën fiskale nga Agjencia Kombëtare e Barnave dhe Pajisjeve Mjekësore.

Në cilësinë e provës materiale u sekuestruan medikamente të ndryshme mjekësore, të dyshuara të kontrabanduara, dhe një shumë parash.

Materialet i kaluan Prokurorisë, për veprime të mëtejshme procedurale.”-njofton policia.





Lajmet e fundit nga