LEXO PA REKLAMA!

SHKARKO APP

I vuri zjarrin mbeturinave/ Flakët dalin jashtë kontrollit dhe rrezikojnë banesat në Rrogozhinë

9 Shtator 2023, 21:13, Kronika CNA

I vuri zjarrin mbeturinave/ Flakët dalin jashtë kontrollit dhe

Një person në fshatin Ballaj Vendas të Rrogozhinës ndezi një zjarr për të djegur mbeturina.

Qytetarit i dolën flakët jashtë kontrollit dhe si pasojë u dogjën disa sipërfaqe toke të mbjella, në pronësi të tij dhe të një shtetasi tjetër, si dhe u rrezikuan pronat përreth.

Sapo janë njoftuar për vatrën e zjarrit, shërbimet e Komisariatit të Policisë Kavajë kanë shkuar në vendngjarje dhe kanë arrestuar në flagrancë shtetasit F. B., banues në këtë fshat.

Drejtoria Vendore e Policisë Durrës apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht.

Gjithashtu, i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe për procedimin penal të shtetasve përgjegjës./ CNA



Lajmet e fundit nga