LEXO PA REKLAMA!

SHKARKO APP

Talebanët, me "dorë të hekurt" ndaj të rejave afgane/ Vendimi për studimet

28 Gusht 2023, 11:56, Kosova & Bota CNA

Talebanët, me "dorë të hekurt" ndaj të rejave

Gratë talebane po jetojnë një realitet të hidhur.

Universitetet u mbyllën për to dhe mundësi e vetme mbetej për të studiuar jashtë vendi, por dhe kjo duket e pamundur.

"BBC" ka publikuar historinë e një vajze nga Talebani, të cilën thotë se për arsye sigurie e ka quajtur Natkai.

“Pasi talebanët mbyllën universitetet për gratë, shpresa ime e vetme ishte të merrja e një burse që do të më ndihmonte të studioja jashtë vendit”, thotë studentja 20-vjeçare afgane Natkai.

Asaj iu dha një bursë për të studiuar në Universitetin e Dubait në Emiratet e Bashkuara Arabe nga biznesmeni miliarder nga Emiratet, Sheikh Khalaf Ahmad Al Habtoor.

Bursat për gratë afgane u shpallën në dhjetor 2022 pasi talebanët ndaluan gratë nga universiteti. Gjithsej 100 gra afgane kanë qenë të suksesshme në marrjen e këtyre bursave. 

Të mërkurën më 23 korrik, Natkai u përshëndet me familjen e saj dhe u nis për në aeroport. Por shpresat e saj u shuan shpejt.

Zyrtarët talebanë thanë se vajzave nuk u lejohet të largohen nga Afganistani me viza studentore, tregon ajo, me zërin e saj të thyer.

Natkai është një nga të paktën 60 vajzat që u kthyen nga aeroporti.

Fotot e para nga "BBC" tregojnë vajza të reja të veshura me hixhabe të zeza ose me shami, duke qëndruar pranë bagazheve të tyre në një gjendje shoku dhe shkatërrimi.

Talebanët kanë ndaluar udhëtimet e vetme për gratë dhe i lejojnë ato të shkojnë jashtë vendit vetëm me burrat e tyre ose një shoqërues mashkull të lidhur, si vëllai, xhaxhai ose babai.

Ky veprim i fundit i talebanëve ka krijuar shqetësim midis grupeve të të drejtave dhe diplomatëve.

Ish-përfaqësuesja e rinisë së Kombeve të Bashkuara nga Afganistani, Shkula Zadran, ka postuar një mesazh duke i kërkuar universitetit të mos heqë dorë nga vajzat.

Talebanët nuk kanë dhënë asnjë deklaratë apo sqarim./ CNA

Lajmet e fundit nga