LEXO PA REKLAMA!

SHKARKO APP

E zbulojnë kamerat/ Autori i vrasjes darkoi në restorantin e njëjtë ku po hanin Liridona, fëmijët dhe Naimi

5 Dhjetor 2023, 22:02, Kosova & Bota CNA
E zbulojnë kamerat/ Autori i vrasjes darkoi në restorantin e
Fotomontazh, Liridona, Naimi dhe Graniti

Autori i vrasjes së Liridona Ademajt ka darkuar në të njëjtin restorant me Liridonën fëmijët dhe Naim Murselin.

Mediat kosovare thonë se Liridona Ademaj ishte mysafire e rregullt e një restoranti në Graçanicë. Pikërisht në këtë restorant ajo shkoi edhe në mbrëmjen e 29 nëntorit, bashkë me burrin Naim Murseli dhe dy djemtë e saj.

Por në të njëjtin ambient darkonte Granit Plava, personi që dyshohet se u pagua nga Naim Murseli për ta vrarë Liridonën.

Ai kishte porositur “pleskavicë” dhe ndërkohë që hante e vëzhgonte tavolinën ku Naim Murseli ishte bashkë më familjen. Plava është ngritur pak minuta më herët sesa familja Murseli nga restoranti.

Nga pamjet në këtë restorant Policia e Kosovës identifikoi se Plava u largua me veturën e njejtë që ishte parë edhe tek vendi ku ndodhi ngjarja tragjike e 29 nëntorit.

Kjo ngjarje është në qendër të vëmendjes së publikut prej ditësh./ CNA

Lajmet e fundit nga