LEXO PA REKLAMA!

SHKARKO APP

Gjashtë fëmijë ukrainas do të kthehen nga Rusia me ndërmjetësimin e Katarit

5 Dhjetor 2023, 15:40, Kosova & Bota CNA

Gjashtë fëmijë ukrainas do të kthehen nga Rusia me

Gjashtë fëmijë do të kthehen në Ukrainë nga Rusia sipas një marrëveshjeje të ndërmjetësuar nga Katari, raporton "Reuters".

Një zyrtar i Katarit i tha agjencisë së lajmeve për marrëveshjen të martën, me një burim të përfshirë në organizimin e kthimeve duke thënë se ata kishin qëndruar me të afërmit në Rusi ose në territorin e pushtuar nga Rusia.

Fëmijët janë rrugës për në Ukrainë nëpërmjet Moskës, shtoi burimi.

Kjo është faza e dytë e kthimit të fëmijëve të ndërmjetësuar nga Katari, pasi katër të mitur u kthyen në tetor.

Negociatat për kthimin kishin nisur që të paktën që nga prilli 2023, i tha një burim "Reuters" në korrik.

Katari ra dakord me një kërkesë të Ukrainës për të ndërmjetësuar me Rusinë për kthimin e fëmijëve në familjet e tyre të afërta gjatë një vizite në Ukrainë në korrik 2023 nga kryeministri i Katarit Sheikh Mohammed bin Abdulrahman al-Thani.

"Procesi përfshin marrjen e pëlqimit të familjeve ... identifikimin e të miturve dhe verifikimin e informacionit të identifikimit, koordinimin me organizatat humanitare, si dhe marrëveshjet logjistike," tha një zyrtar i Katarit.

"Reuters" tha se rastet duket se janë të ndryshme nga ato të fëmijëve ukrainas, për të cilët Ukraina thotë se u dërguan me forcë në Rusi nga territoret e pushtuara nga Moska dhe që janë objekt i një rasti të Gjykatës Penale Ndërkombëtare.

Kyiv thotë se rreth 20,000 fëmijë janë marrë nga Ukraina në Rusi ose në territorin e kontrolluar nga Rusia pa pëlqimin e familjes ose kujdestarëve. Ai e quan këtë një krim lufte që plotëson përkufizimin e traktatit të OKB-së për gjenocidin./ CNA

Lajmet e fundit nga