web counter
LEXO PA REKLAMA!

SHKARKO APP

App Store
Google Play

E fundit!

x

Babai i Naim Murselit mohon që i biri të ketë probleme psiqike/ Zbulon nga se vuante

4 Dhjetor 2023, 22:50, Kosova & Bota CNA
Babai i Naim Murselit mohon që i biri të ketë probleme psiqike/
Foto ilustruese

Babai i Naim Murselit, Shaban Murseli ka mohuar që i biri të ketë patur probleme psiqike. Gjatë një interviste në RTV Dukagjini ai tha se i vetmi problem që ka patur i biri ka qenë me zemrën në të cilën ka kryer ndërhyrje kur ka qenë vetëm dy muajsh.

“Gjendja jonë emocionale edhe fizike është e mjerueshme. E ndjera ka dy fëmijë që po përkujdesemi ne për ta, është shumë e rëndë. Ende po presim që në prani të psikologëve kur kthehen në Suedi t’u tregojmë për vdekjen. Naimi ka lindur me një defekt në zemër, vetëm dy muajsh në Zagreb e ka bërë një operacion dhe kjo ka qenë arsyeja pse kemi shkuar në Suedi”, ka thënë ai.

Më tej ai është shprehur se ka dashur që të marrë pjesë në rivarrimin e Liridonës pasi e konsideronte si vajzën e tij por ka marrë një përgjigje negative nga ana e tyre.

 “Kam shkruar me babën e Liridonës, kam pasur dëshirë të marrë pjesë në rivarrim sepse e konsideroja atë si vajzën time. Përgjigja ka qenë negative. Më kanë thënë se miqësia jonë ka përfunduar dhe se unë nuk mund të marrë pjesë në varrim”, ka deklaruar Murseli.

Ai theksoi se nuk ka marrë ndonjë avokat për Naimin Murselin ndërsa e përshkruan të birin si një fëmijë të hareshëm dhe të buzëqeshur .

 “Ka qenë fëmijë i hareshëm, i buzëqeshur. Naimi s’ka qenë në gjendje një flutur ta mbysë. Kurrë në jetën tonë nuk kemi parë që ka pasur problem, as nuk na kanë thënë, kanë qenë çifti më i lumtur që mund të ekzistojë”.

“Pyeta se ku është Naimi, më thanë e kanë thirr prokuroria në pyetje. Naimi erdhi 30 minuta pas kufomës. Është vonuar në prokurori deri i kanë pyetur fëmijët. Kur na kanë thirr ta bëjmë përshëndetjen e fundit me Liridonën, e kam takuar Naimin por vetëm i kam shprehur ngushëllime. U bë varrimi. Pasi e varrosëm e kam dhënë një intervistë që më është keqpërdorur shumë, sepse s’kisha asnjë informacion vetëm ato që i kisha dëgjuar. “Unë ika, Liridonën e vranë”, më kishte thënë Naimi”, tha Shaban Murseli./ CNA





Lajmet e fundit nga