LEXO PA REKLAMA!

SHKARKO APP

Dhuna dhe vrasja e grave në Kosovë/ Albin Kurti fajëson prokurorinë dhe gjykatat

4 Dhjetor 2022, 14:35, Kosova & Bota CNA

Dhuna dhe vrasja e grave në Kosovë/ Albin Kurti fajëson

Kryeministri i Kosovës, Albin Kurti, ka akuzuar Prokurorinë dhe Gjykatat lidhur me rastet e dhunës dhe vrasjeve që kanë ndodhur ndaj grave.

Ai është shprehur se lufta kundër krimeve mizore dhe trajtimeve ç’njerëzore ndaj gruas është një betejë që nuk duhet të ndalet.

Gjatë fjalës së tij në Këshillin për Demokraci dhe të Drejta të Njeriut, tha se kjo luftë e gruas për mbijetesë brenda mureve të shtëpisë është luftë e shoqërisë, luftë e shtetit në përkrahje të grave dhe të vajzave.

“Prokuroria pasive dhe gjyqësori joefikas janë ndër shkaqet kryesore të këtij realiteti ku vrasja e grave është veçse lajm që përsëritet dhe nuk mbetet aktual mbi dy ditë. Sistemi i padrejtësisë që reagon me shpejtësi e efikasitet kur bëhet fjalë për përfitimin e tyre individual, nuk i shërben këtij shteti dhe kësaj shoqërie. Mungesa e profesionalizmit që shpërfaqet në vendime të anuara e të motivuara, vonesa të paarsyetuara për shkak të mungesës së mekanizmave të llogaridhënies, politizim i sistemit gjyqësor që u bë haptazi nga qeveritë e kaluara, prodhojnë viktima; prodhojnë dhunues; prodhojnë abuzues; dhe përçojnë mesazhin se gjithçka tjetër, përfshirë vënien e drejtësisë, vjen në trajtim pas ngopjes dhe përmbushjes së interesave personale”, ka thënë Kurti./CNA.al

Lajmet e fundit nga