web counter
LEXO PA REKLAMA!

SHKARKO APP

App Store
Google Play

"Ka rrjedhje dokumentesh"/ Haradinaj në Hagë: Prokuroria të kërkojë falje

2 Dhjetor 2022, 21:43, Kosova & Bota CNA
"Ka rrjedhje dokumentesh"/ Haradinaj në Hagë: Prokuroria
Nasim Haradinaj

Ish-nënkryetari i Organizatës së Veteranëve të Luftës së Ushtrisë Çlirimtare të Kosovës, Nasim Haradinaj ka kërkuar që të lirohet nga aktakuza, si dhe ka kërkuar që Prokuroria Speciale e Hagës t’i kërkojë falje për sjelljen poshtëruese.

Në fjalën e tij para Panelit të Apelit, Haradinaj u shpreh se aid he Hysni Gucati kanë sinjalizuar një rrjedhje të dokumenteve.

Këto dokumente pretendohet të jenë në Zyrën e Prokurorit të Specializuar dhe ka kërkuar zbardhje të plotë të rastit për të kuptuar se si kanë arritur ato në zyrat e organizatës.

Ai ka kërkuar që kjo çështje të sqarohet deri në fund, duke nisur nga rrjedhja e dokumentacionit, kush e ka nxjerrë dhe kush i ka dërguar në zyrat e organizatës.

“Zotëri Holing (prokuror), nëse jeni i sinqertë e pranoni që eprori juaj Ëhiting pak më parë tha një gënjeshtër të madhe, që nuk ka pikëpyetje, këtu ka shumë pikëpyetje e disa pika habitore. Ne duam patjetër të zbardhet këtu sepse kur të zbardhen ne personalisht nuk na lidhë asgjë me kryesit e kësaj vepre, andaj ne duhet të lirohemi tërësisht nga aktakuza dhe prokurori të kërkojë falje për sjelljet abuzive, poshtëruese, të pamoralshme dhe të pajustifikuara në baza juridike e njerëzore”, ka thënë Haradinaj.

Hardinaj gjithashtu është shprehur se Prokuroria nuk ka bërë një punë profesionale dhe se gjykimi ka qënë i njëanshëm.

“Fuqishëm besoj se ne kemi kryer detyrën më të devotshme si qytetar të Kosovës, në aspektin e interesit publik, por edhe të atij ndërkombëtar ku duke sinjalizuar për rrjedhjet e pakuptimta nga kjo prokuroi e ku pos mediave ne kemi informuar edhe zyrat e ZPS-së dhe hetuesit e tyre në Kosovë duke e ruajtur edhe një kopje për ta, ZPS i dha vetës afat 24 orësh për të marrë atë material sepse nuk u ngutej t’i merrnim më herët”, ka thënë ai./CNA.al





Lajmet e fundit nga