web counter
LEXO PA REKLAMA!

SHKARKO APP

App Store
Google Play

Nuk do të marrë pjesë në samitin BE- Ballkani Perëndimor/ Varhelyi takim urgjent me Vuçiçin në Beograd

2 Dhjetor 2022, 21:22, Kosova & Bota CNA
Nuk do të marrë pjesë në samitin BE- Ballkani
Aleksandër Vuçiç, Oliver Varhelyi

Aleksandër Vuçiç, deklaroi se nuk do të marrë pjesë në samitin që do të mbahet në Tiranë në 6 dhjetor.

Ai u shpreh se ky vendim i tij vjen pasi kryeministri i Kosovës, Albin Kurti emëroi politikanin Nenad Rashiç në postin e ministrit për Komunitete dhe Kthim, i cili mbahej nga kryetari i dorëhequr i Listës Serbe, Goran Rakiç.

Pas kësaj deklarate, Komisionari për Zgjerimin dhe Fqinjësinë e Mirë, Oliver Varhelyi, ka zhvilluar një takim me presidentin serb Aleksandër Vuçiç.

Varhelyi i ka kërkuar Vuçiç që të marrë pjesë në samitin e 6 dhjetorit.

Gjatë këtij takimi dy liderët kanë diskutuar edhe për sanskionet ndaj Rusisë ku i ka kërkuar presidentit serb që të ndihmojë Bashkimin Evropian për të zbatuar sanksionet e vendosura kundër Rusisë, sanksione, të cilat Serbia ende nuk i ka mbështetur.

Vuçiç ka akuzuar Kurtin për terror ndaj serbëve që jetojnë në Kosovë, por gjithashtu informoi Varheylin se do të marrë një vendim përfundimtar për Samitin e Tiranës në ditët në vijim./CNA.al





Lajmet e fundit nga