LEXO PA REKLAMA!

SHKARKO APP

Merret vendimi/ SHBA, e vendosur: Kufiri i çmimit të naftës ruse do të godasë Putinin

3 Dhjetor 2022, 09:25, Kosova & Bota CNA

Merret vendimi/ SHBA, e vendosur: Kufiri i çmimit të naftës

Një kufizim i ri në çmimin e naftës ruse do të “presë menjëherë burimin më të rëndësishëm të të ardhurave të Putinit”, ka thënë SHBA-ja.

Sekretarja e Thesarit e SHBA-së, Janet Yellen, tha se kufiri, i cili u miratua zyrtarisht nga aleatët perëndimorë të premten – erdhi pas muajsh pune të vështirë.

Kufiri i ndalon vendet të paguajnë më shumë se 60 dollarë (48 £) për fuçi për eksportet e naftës së papërpunuar ruse nga deti. Ky vendim do të hyjë në fuqi më 5 dhjetor.

Vendet me të ardhura të ulëta dhe të mesme që janë ndikuar shumë nga çmimet e larta të energjisë dhe ushqimeve do të përfitojnë veçanërisht nga ky vendim, tha zonja Yellen, raporton "Euronews".

Ajo tha se do të kufizojë më tej financat e presidentit rus Vladimir Putin dhe “kufizojë të ardhurat që ai po përdor për të financuar pushtimin e tij brutal”, duke shmangur ndërprerjen e furnizimeve globale që mund të çojnë në rritjen e çmimit të naftës në mbarë botën.

“Me ekonominë e Rusisë tashmë në tkurrje dhe buxhetin e saj gjithnjë e më të zbehtë, kufiri i çmimit do të ulë menjëherë burimin më të rëndësishëm të të ardhurave të Putinit”, tha ajo në një deklaratë.

Kufiri i çmimit u vendos në shtator nga grupi i vendeve të G7 (SHBA, Kanada, Britani e Madhe, Franca, Gjermania, Italia, Japonia dhe BE) në një përpjekje për të goditur aftësinë e Moskës për të financuar luftën në Ukrainë.

Lajmet e fundit nga