web counter
LEXO PA REKLAMA!

SHKARKO APP

App Store
Google Play

Brnabiç jep detaje nga takimi Kurti-Vuçiç: Do të jetë i vështirë

12 Shtator 2023, 10:56, Kosova & Bota CNA

Brnabiç jep detaje nga takimi Kurti-Vuçiç: Do të

Kryeministrja e Serbisë, Ana Brnabiç, tha para takimit të delegacioneve të Beogradit dhe Prishtinës në Bruksel se këto bisedime do të jenë të vështira.

“Faleminderit Presidentit Vuçiç që mori përsipër t'i udhëheqë ato bisedime dhe e liroi qeverinë të merret me çështje të tjera. Ne ende nuk e kemi Marrëveshjen e Brukselit. Prishtina nuk ka ndërmend ta zbatojë atë dhe Kurti nuk dëshiron të thotë dy fjalë. Paqja dhe stabiliteti i përshtaten njerëzve, sepse kjo na lejon të kemi prosperitet", thotë Brnabiç.

Ajo theksoi se kemi parë vetëm përshkallëzim të mëtejshëm të situatës. 

Të hënën, kryeministri i Kosovës, Albin Kurti bisedoi me të dërguarin e Uashingtonit për Ballkanin Perëndimor, Gabriel Escobar, lidhur me raundin e ri të dialogut për normalizimin e raporteve me Serbinë.

Sipas Zyrës së Kurtit, kryeministri kosovar bisedoi me emisarin amerikan “për rëndësinë e zbatimit të shpejtë dhe të plotë të Marrëveshjes Bazike dhe Aneksit të saj”.

Mësohet se Kurti ka shprehur gatishmërinë e tij për t’u angazhuar aktivisht në takimin e nivelit të lartë. 

 





Lajmet e fundit nga