web counter
LEXO PA REKLAMA!

SHKARKO APP

App Store
Google Play

E fundit!

x

2023-shi, viti i Vojo Kushit

2023-01-02 15:38:00, Editorial CNA
2023-shi, viti i Vojo Kushit
Ilir Meta, Vojo Kushi, fotomontazh

Dikush mund ta ketë të vështirë për ta besuar, por është e vërtetë, viti politik që sapo hymë, do të ketë një hero të ri. Ai është Vojo Kushi.

Kështu e pretendon veten Ilir Meta, kreu i Partisë së Lirisë, themeluar mbi LSI-në. Ilir Meta pasi mori të gjitha pushtetet në 30 vite karrierë politike nga PD-ja dhe nga PDS-ja, tani ka vendosur që të bëhet hero, Vojo Kushi i famshëm, i cili me bombë në dorë i hidhej tankut të armikut, pritet ta rishikojmë si skenë sërish.

Metën nuk e kemi në parlament që të grushtojë apo boksojë Edi Ramën, por do ta kemi tashmë në terren dhe në fushatë elektorale, ku pritet të bjerë dëshmor si një Vojo Kush i vërtetë, për fitoren e zgjedhjeve lokale.

Në fakt LSI-ja nuk ka kandidatë dhe do të kandidojë vetëm për Këshillat Bashkiakë. Kandidatët i ka PD-ja përfshirë edhe disa aleatë, por Iliri e ka ndarë mendjen të bëhet Vojo Kush dhe ka shumë gjasa që të shkojë tek rruga e "Barrikadave", aty ku ka qenë ‘Vojua’ i vërtetë, për të hedhur bombën e tij mbi tankun e Erion Veliajt.

Në fakt kjo pritet për t’u parë, sepse Iliri për të mos thënë të pavërteta, është një politikan i fortë, ka mundur t’u mbijetojë stuhive, përplasjeve me Fatos Nanon, me Sali Berishën, Edi Ramën dhe ka vegjetuar në tregun politik sidomos vitet e fundit, pas ligjit zgjedhor, i cili i dha shansin Metës që me 4 deputetë dje e me 4 sot, të qëndronte gjatë në pushtet, sa me Berishën ashtu dhe me Ramën.

 

Por tani duket që Likja e ka ndarë mendjen, do të bëhet Vojo Kushi. Këtë nuk e themi në të CNA-së, këtë e thotë Likja pasi shfaq ambiciet e tij dhe mënyrën se si do ta rrëzojë Ramën. Do të bëhet Vojo Kush dhe do të bjerë dëshmor, vetëm që Rama të bjerë nga pushteti dhe këtë ka vendosur ta bëjë tani në zgjedhjet lokale./CNA.al

 





Lajmet e fundit nga