web counter
LEXO PA REKLAMA!

SHKARKO APP

App Store
Google Play

E fundit!

x

Disa përgjigje, që çdo shqiptar i kërkon nga Ilir Meta

11 Tetor 2019, 12:51, Politikë CNA

Presidenti ynë Ilir Meta është një burrë i ndershëm që pasurinë e ka vënë me paratë e vjehrrit apo pasuria që ka trashëguar bashkëshortja e tij Monika Kryemadhi, që fle rrallë me të, siç ka deklaruar ky vetë, e cila ka mundur të sigurojë një pasuri marramendëse.

Por, le ti bëjmë disa pyetja Ilir Metës, ashtu siç i kemi bërë më parë edhe Monika Kryemadhit.

Është ndërtuar një pasuri, një pallat, dhe për këtë Ilir Meta nuk ka thënë asgjë deri dje, por e thotë sot.

Ndërkohë, pyetjet vijnë.

Ilir Meta nuk ka firmë ndërtimi që ta ndërtojë vetë pallatin, as nuk e zhvillon dot atë. Por, me sipërfaqen e deklaruar, po e zëmë se ka marrë një milion euro, ka marrë edhe 20% apo 30% të ndërtesës, sa mund ti jepet në atë zonë ku ndërtoi Ilir Meta.

Aq para për atë sipërfaqe ndërtimi, janë një milion euro, apo dy milion euro? Sa, le ta thotë vetë shumën.

Ne kemi një pyetje tjetër. Sa para taksa ka paguar Monika Kryemadhi, për këtë pasuri?

Sa tatim fitimi ka derdhur në bankë?

A i ka deklaruar tek të ardhurat personale vlerat reale të këtyre parave?

Pyetja tjetër, në lidhje me objektin, vilën në Gjirin e Lalzit që deklaron Monika Kryemadhi, se është bërë me paratë e babait të saj, pra shkëmbimin e dyqaneve nga ndërtimi i pallatit.

Cila është diferenca e tyre me vlerën totale të ndërtimit?

Sa ka kushtuar vila në Gjirin e Lalzit?

Pasi nuk është një,  por janë disa vila dhe në qoftë se Ilir Meta nuk e mban mend po ia rikujtojmë.

Vila e parë u shemb dhe u ndërtua një e re. E nëse e para kushtonte diku rreth 500 mijë euro, kjo e dyta ndoshta kushton më shumë sesa pallati.

Një tjetër pyetje për Ilir Metën është e drejtpërdrejtë.

Sa ka kushtuar shkollimi i fëmijëve të tij në Londër?

Pasi do të duhen, jo pak por disa dhjetëra mijëra euro për secilin fëmijë për ta shkolluar. Ai bën shumë mirë që i shkollon në Londër, se të paktën kështu ka bërë një gjë të mirë në jetën e tij, por për tre fëmijët për ti mbajtur në Londër, në gjimnaz, në universitet e në mastera, për të jetuar atje e të tjera si këto duhen disa qindra mijë euro. Ndoshta 500 mijë euro janë shumë pak.

Kemi dhe një pyetje tjetër për Ilir Metën. Po, apartamenti tek Kodra e Diellit sa kushton? Sa është kostoja e tij reale? Mos është njësoj sa pallati, apo diçka më shumë?

Prandaj, këto janë disa pyetje që çdo prokuror mund t?ia bëjë nesër Ilir Metës?

Këto mund t?ia bëjë çdo qytetar i thjeshtë dhe ka për të marrë përgjigje politike, por prokurorit duhet t?i çojë prova Ilir Meta, ashtu siç duhet t?ia çojë edhe SPAK-ut. Atëherë do të shohim të vërtetat e mëdha, pasi vlera e pronave të paluajtshme të Ilir Metës, shkollimit të fëmijëve dhe pasurive që ai gëzon janë disa fish më shumë sesa ajo copë tokë ku u ndërtua një pallat në Unazën e Tiranës.

Prandaj, Iliri bën mirë të mos trembet, të mos friket, të mos gënjejë shqiptarët, por të dalë dhe të pranojë të vërtetën. Megjithëse përpara se ta bëjë këtë ai vetë, ne mund t’ia japim përgjigjet, por po presim të na thotë zoti president se cilat janë përgjigjet e pyetjeve të mësipërme.

Detajet, do t?ia japim ditë pas dite, për çdo pyetje. Sa i ka kushtuar shkollimi i fëmijëve, sa i ka kushtuar vërtetë pallati që ka ndërtuar Mona dhe sa janë taksat e paguara, sa ka kushtuar vila në Gjirin e Lalzit, e ndërtuar dy herë, sa ka kushtuar pasuria tjetër te Kodra e Diellit, sa kanë kushtuar makinat luksoze, pushimet e të tjera e të tjera si këto.

Ilir Meta është thjeshtë dhe vetëm me një rrogë politikani në të gjithë karrierën e tij ashtu si dhe Monika Kryemadhi. Pra, taksat e shqiptarëve dhe me një pronë të trashëguar kanë krijuar një pasuri marramendëse, kur të gjithë shqiptarët nuk kanë mundur të marrin asgjë nga pronat e tyre?

Le të presim dhe të shpresojmë se Presidenti ynë do të përgjigjet. Pastaj, ditë pas dite, le t?ia themi të gjitha./ CNA.al

Kur do përgjigjet Monika për pyetjet që i bën çdo shqiptar

Pasuri marramendëse/ Meta dhe Kryemadhi â??të zhyturâ? në luks

Shitën pasurinë për t’i shpëtuar burgut/ Meta-Kryemadhi, zhdukën vilën në Gjirin e Lalzit dhe miliona euro





Lajmet e fundit nga