E fundit!

07:35 Politikë

Rama intervistë për CNN/ Përplaset me gazetaren për Zvërnecin: Duhet të më dëgjoni, sepse nuk ka projekt

Kryeministri Edi Rama ka dhënë një intervistë për CNN Inte...

Meta dhe Basha në bunkerin e Surrelit

11 Tetor 2019, 11:52, Politikë CNA

Duken të trembur treshja e kastës politike në Shqipëri. Me lojëra të pista politike dhe pazare po përpiqen të shpëtojnë njëri-tjetrin dhe duket se shpëtimi i Metës dhe i Bashës është vetëm Edi Rama.

Ky i fundit shpreson dhe mendon se po ti fusë në pazare, po t?ju japë mundësi të reja që të mbajë vetë pushtetin, do t?i shpëtojë. Do ta shpëtojë Lulzim Bashën duke i mbyllur hetimin e FBI-së mbi financimet dhe lobimet ruse që ka bërë në SHBA.

Do ta shpëtojë Ilir Metën nga skandalet, korrupsioni, vjedhjet dhe dosjet e shumta, një pjesë e të cilave me firmat e veta i mban të fshehura te qilari i Gjirit të Lalzit, ku po të kontrollojnë mund të gjejnë dhe thasë më para, por kjo ka pak rëndësi për shqiptarët. Janë paratë e Ilir Metës dhe paratë e tij të pajustifikueshme.

Nga ana tjetër, njësoj qëndron edhe Luli, i cili është i gatshëm të bëjë pazar me Ramën, ashtu si dhe Likja. Presidenti dje tha se duhej lënë një shteg në çdo rast dhe këtë ia kërkonte si mëshirë Edi Ramës.

Më parë e ka thënë edhe Lulzim Basha, i cili nga ana e tij po kërkon shtegun për të shpëtuar. Por, Rama po përpiqet ditë pas dite, që t?i çlirojë ortakët e tij, ti mbajë sa më afër, t?i ketë sepse i duhen.

I duhet Luli sepse me Republikën e re i dha mandatin e dytë Edi Ramës, i duhet Ilir Meta sepse e solli në pushtet me Rilindjen. Tani i duhen të dy bashkë për ta mbajtur në pushtet. Por, vështirë duket.

Të tre e kanë kaq të vështirë sa edhe vetë e dinë, prandaj dhe shfaqin shpesh shenja paniku. Dhe të tre, edhe sikur të futen ne bunkerin e Surrelit, vështirë se do të shpëtojnë. Sikur dhe Edi Rama t?i çojë në një nga ato dhomat që tregoi tek Ermal Mamaqi se e kishte të parestauruar, t?ju vërë nga një tavolinë, t?ju japë një palë domino e t?i mbajë e t?i ruajë si relike, ti llangos me bojë, apo të tre bashkë të nxihen apo të zbardhen duke u larë e shpëlarë për të shlyer mëkatet e tyre, do ta kenë të vështirë të dalin pa lagur.

Ilir Meta e ka kuptuar i pari, Lulzim Basha i dyti. Edi Rama akoma është në xhiron e turbullimit të ujit. Por, sa më shumë të turbullohet aq më shumë do të kthjellohet dhe këtë e dinë të tre.

Prandaj as bunkeri i Surrelit nuk i bën dot derman Metës, Bashës dhe as vetë Ramës./ CNA.al