web counter
LEXO PA REKLAMA!

SHKARKO APP

App Store
Google Play

Meta në konferencën e BSH/ Ekonomia ka rënie, problem sundimi i ligjit

11 Tetor 2019, 08:40, Politikë CNA

Presidenti Ilir Meta ishte i pranishëm sot në konferencën vjetore të Bankës së Shqipërisë.

Gjatë fjalës së tij, Meta ka shprehur shqetësime mbi ecurinë e ekonomisë në vendit tonë, ndërsa theksoi se ka pasur një rënie të kredive në vitet e fundit.

Kreu i shtetit, e lidhi këtë rënie me sundimin e ligjit. Meta theksoi se përmirësimi në këtë drejtim, do të sillte edhe përmirësim në ekonomi.

?Mbetet shqetësim që bankat në Shqipëri, nuk kanë shumë efekt. Gjatë 10 viteve të fundit, Shqipëria ka nivelin më të vogël të kredive. Një nga arsyet që bankat kanë stopuar në dhënien e kredive, është sundimi i ligjit.?, -tha Meta.

Po ashtu, Meta ka vlerësuar ndërhyrjen e Bankës së Shqipërisë në disa momente kyçe të ekonomisë, siç ishte rasti i euros, duke bërë që banka të fuste më shumë lekë në tregun e brendshëm si dhe theksoi se investimet europiane në ekonominë shqiptare, kanë ndikuar për rritjen ekonomike.

?Investimet e vendeve europiane në ekonominë shqiptare kanë dhënë ndikim për rritjen ekonomike. Po ashtu edhe goditjet e jashtme kanë dhënë tepër ndikim në ekonomik.  Banka e Shqipërisë ka ndërhyrë ku duhet në momentin e goditjeve, si në rastin e euros.?, tha Meta./ CNA.al





Lajmet e fundit nga