web counter
LEXO PA REKLAMA!

SHKARKO APP

App Store
Google Play

E fundit!

x

Një ‘demokrat’ si Ilir Meta!

10 Shkurt 2021, 15:28, Politikë CNA

Tashmë ka filluar fushta elektorale dhe Presidenti ynë në detyrë nuk ‘zhvishet’ dot nga militantizmi politik dhe partiak, por ka marrë makinat e shtetit, me taksat e shqiptarëve dhe ka filluar të lëvizi fshat më fshat dhe qytet më qytet për të takuar mbështetës të tij.

Diku Ilir Meta ka takuar edhe persona me precedent penalë, diku grupe kriminale, diku mbështetës të PS-së apo të PD-së, të cilëve u kërkon që të bëhen bashkë me 25 prill  për të mbajtur lart kurajon e të famshmes protestë të tij të marsit dhe e quan aktivitetin si një referendum kushtetues megjithëse në fakt kemi një palë zgjedhje të pastra politike, ku gruaja e Ilir Metës dhe partia e tij LSI janë në aleancë me Lulzim Bashën kundër kryeministrit në detyrë Edi Rama.

Ilir Meta u kap në Korçë duke i ikur eskortës, në dy fshatra, Libonik dhe Zvezdë , duke zhvilluar takime ‘kokë më kokë’ dhe kërkuar mbështetje për LSI.

Pra Presidenti ynë është në fushtë elektorale, kështu ka bërë dhe sot në Elbasan dhe në Librazhd, kështu ka bërë kur ishte Vlorë apo Gjirokastës. Ka filluar fushtën megjithëse është President, tashmë po sillet si kryetari i LSI. Në vitin 2017 ku pas marrëveshjes Rama-Basha për tradhtinë e Lulit, mori flamurin dhe u vërsul në terren.

Ilir Meta pretendon se është një person që mbron Kushtetutën dhe është ‘demokrat i madh’ dhe këtë ua thotë dhe vetë atyre të Partisë Demokratike.

Në fakt Ilir Meta është fara e fundit e mbetjes së fëlliqur të ish komunistëve!

Ilir Meta është një komunist i neveritshëm i kthyer gjoja në demokrat pasi është bërë miliarder.

I ardhur me brekë të grisura në Tiranë, Presidenti ynë i nderuar i cili ka qenë dhe kryeministër, ka qenë dhe kryetar Kuvendi, ka qenë dhe në qeveri me Berishën, ka qenë dhe në qeveri me Ramën, e bëri Rama President, ka arrestuar Sali Berishën, ka ‘thyer koka dhe brinjët’ e demokratëve kur ka qenë kryeministër, i ka tërhequr zvarrë me policinë e tij kriminale.

Njeriu më i përçudnuar, më i fëlliqur i afërës korruptive, njeriu i makthit të parave, të vjedhjes dhe grabitjes së shtetit. Ky është Ilir Meta i cili në shallin e kuq të komunistëve dhe me foton e Enver Hoxhës, shpall veten demokrat.

Në emër të Presidentit shkon dhe takon banda dhe kriminelë për të kërkuar vota për LSI-në. Si kryetar i LSI-së, dhe jo si President i Republikës.

Në fakt Ilir Meta është një demokrat i madh që ka thyer dhe masakruar, ka rrahur dhe coptuar demokratët. Ilir Meta është një ‘demokrat i madh’ i cili ka vjedhur sa ka plasur kur ishte në qeveri me Partinë Demokratike.

Është kaq ‘demokrat i madh sa ka arrestuar dhe Sali Berishën. Është një ‘demokrat i madh’ Ilir Meta, por mbi të gjitha Ilir Meta është një hajdut i madh me çizme, asgjë më shumë se sa kaq.

Një sharlatan që nuk duhet të jetë më në jetën politike shqiptare, por për shkak të vlerave politike të Sali Berishës dhe Edi Ramës, sot e kemi në krye të Presidencës, e kemi president Republike  i cili po lufton bashkë me gruan e tij dhe po çirret fort që të mbajë partinë dhe të marrë sa më shumë mandate deputetësh që nesër të jetë në pazarin politik, sepse kërkon të shpëtojë kokën dhe lëkurën e tij si ?demokrat i madh? që është , apo si komunist i vogël, i mbetur dhe i kthyer në hajdut./CNA.al

LRI në festë për Berti Qerosin/ Mona drejt Korçës

Video me armë/ Militanti i ‘flaktë’ i LSI bën të fortin në Korçë, Meta i shkon në shtëpi





Lajmet e fundit nga