E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Pse po i fshihet Ilir Meta, komisionit Hetimor?

6 Maj 2021, 10:51, Politikë CNA

Presidenti Ilir Metaj edhe sot ju përgjigj Komisionit të Ligjeve me një leter në të cilën shpjegon se për shkak të axhendave të rakorduara më herët, nuk mund të jetë i pranishëm në Komisionin e Ligjeve as ditën e sotme.

Presidenti sipas letrës, lirohet vetëm më datë 10 maj dhe prandaj ai mund të shkojë të takojë (online), ligjet vetëm në datë 10 Maj, jo më herët. Ligji për komisionet hetimore, Kushtetuta e Republikës dhe Rregullorja e Kuvendit, nëpërmjet grupit të dispozitave që rregullojnë procedurat, afatet dhe rregullat e ngritjes së Komisioneve Hetimore, në rastin konkret sanksionojne që ky komision Hetimor, kësaj rradhe, mund të ngrihet jo më vonë sesa data 9 Maj.

Ky afat dhe dispozitat interpretimi i të cilave çon tek ky afat, ka qenë i qartë për stafin e Presidentit.
Ata me siguri ja kanë sqaruar Presidentit që pas datës 9 Maj, hetimi duhet te presë ditën që Monika do hyjë në Parlament.

Është e qartë që pas kësaj Presidenti ka thirrur “eureka”, dhe ka “sanksionuar” me shkresë Presidenciale që ai mundet të lirohet vetëm pas datës 9 Maj. Por, Presidenti i Republikës ka shpjeguar më shumë sesa ka shkruar në Letër!

Presidenti praktikisht na ka shpjeguar që ai është i bindur që data e fundit e mundshme per ngritjen e Komisionit Hetimor është data 9 Maj, (sic kalkulon edhe maxhoranca), prandaj kërkon datën 10 Maj. Data e lirimit praktikisht është vendosur me qëllim që të pengojë maxhorancën dhe ta verë atë përpara pamundësisë për ngritjen e komisionit.

Presidenti ka axhendë publike, jo të fshehtë! Nëpërmjet justifikimit me axhendën e ngjeshur, Presidenti po na tregon se ai ndjek edhe një axhendë tjetër, jo publike e që qenka edhe e fshehtë, sa kohë që as nuk tregohet se cili është impenjimi i marrë më parë e që ja bëka të pamundur pjesmarrjen në një seancë (online), që ka lidhje thjesht dhe ekskluzivisht me Presidentin Ilir Metaj.
Minimumi që dëshmohet nga letrat e gjata të Presidentit, është tentativa për pengim të Kuvendit për ushtrimin e kompetencave të veta substanciale.

Përtej këtij minimumi, loja dhe ushtrimi logjik për shkaqet e fshehjes së Presidentit pas axhendës, mund të çojnë në hipoteza të shumta. 24 orët e diferencës midis datës 9 Maj dhe 10 Maj, mund të flasin larg qoftë edhe për frikën e Presidentit për t’u paraqitur përpara Kuvendit.

E kjo frikë nuk ju flet për mirë gjithë heronjve të vdekur që ka dekoruar Presidenti, sidomos vitin e fundit të zbatimit të axhendës së tij.

24 orët e afatit të parashikuar nga procedura parlamentare, larg qofte e bejnë Metën vulnerabël edhe në raport me udhëheqësin aktual të Opozitës, që fshehjen pas procedurës e ka patur dhe e ka ekskluzivitet të vetin.

Ndaj Presidenti duhet të kishte shkuar sot në Komisionin e Ligjeve. Edhe për Metën, do ishte më mirë që hetimi të mbyllej pa shkuar Monika në Kuvend!/CNA.al