web counter
LEXO PA REKLAMA!

SHKARKO APP

App Store
Google Play

E fundit!

x

“25 prilli ishte masakër zgjedhore”/ Basha i ‘zbraz’ ankesat ministres austriake: Ka pasur manipulime masive

6 Maj 2021, 14:32, Politikë CNA

Kreu i Partisë Demokratike Lulzim Basha, ka zhvilluar sot një takim me ministren austriake të BE dhe Kushtetutës, Karoline Edstadler.

Fushata elektorale e 25 prillit ka qenë tema qëndrore e bisedës mes tyre, ku Basha ka theksuar shkeljet që janë bërë nga mazhoranca.

Basha ka infiormuar ministren austriake se në fushatë janë përfshirë persona që janë nën hetim për bashkëpunim me krimin e organizuar, dhe në listën e zezë të SHBA dhe që sot janë pjesë e listës së deputetëve të PS.

Gjithashtu, gjatë bisedës, Basha theksoi dhe manipulimet masive që i janë bërë procesit zgjedhor, përmes shitblerjes së votës, përdorimit të personave me precedentë kriminal, përdorimit të paligjshëm të administratës, vjedhjes dhe përdorimit kriminal të të dhënave personale të shtetasve nga PS, përdorimit të paligjshëm, masiv dhe sistematik të parave të buxhetit të shtetit për tjetërsimin e vullnetit të qytetarëve, punësime masive te paligjshme me kontrata të përkohshme në sektorin publik si dhe përdorimin e legalizimeve për vota- ishin disa prej krimeve zgjedhore që çuan në tjetërsimin e vullnetit të shqiptarëve.

Gjatë takimit, kryetari demokrat e njohu ministren austriake dhe me faktin që PD dhe kandidatët e saj kanë depozituar në SPAK dhe në prokuroritë e rretheve rreth 180 kallëzime, për të cilat deri më sot nuk ka patur asnjë reagim./CNA.al

 





Lajmet e fundit nga