web counter
LEXO PA REKLAMA!

SHKARKO APP

App Store
Google Play

“Basha po bën negociata të fshehta me Ramën”/ Arben Imami bën deklaratën e fortë

6 Maj 2021, 10:45, Politikë CNA

Ish deputeti i Partise Demokratike, Arben Imami është një prej politikanëve që ka kërkuar dorëheqjen e Lulzim Bashës. Në një konferencë për mediat Imami tha se kreu i PD-së po bën negociata të fshehta me Edi Ramën.

Sipas tij, negociatat mes Ramës dhe Bashës kanë nisur që prej 2017 dhe kanë sjellë dy dështime të mëdha për demokratët, siç ishte humbja e zgjedhjeve të Prillit, dhe atyre të 2017-tës.

?Pyetjes suaj unë po i përgjigjem qartë, përpjekja për negociata ka nisur që në 17 Maj, ka dy dështime të mëdhaja, që janë zgjedhjet e 2017 dhe 2021, vazhdimi i kësaj rruge dihet se ku na çon, në zgjedhjet e 2025 dhe më tej.

Ne jemi të vetëdijshëm që përgjegjësia e zgjedhjeve i takon drejtuesve të Partisë. Ata duhet të marrin përgjegjësi për humbjen, pasi kanë shembullin e zotit Berisha. Dorëheqja e parevokueshme e Lulzim Bashës nga partia nuk është fundi i PD-së por fillimi i ringritjes së saj.

Mospjesëmarrja në Reformën territoriale, në zgjedhjet lokale, dalja nga parlamenti, ishin gabime të PD-së. Marrëveshja e 5 Majit, megjithë pasojat e saj, dëmtoi në mënyrë të pakthyeshme PD-në dhe aleatët, brenda partisë kryetari nuk mbajti përgjegjësi për humbjen e 2017. Në 2019 u përjashtuan nga Kuvendi të gjithë ata që kishin kundërshtuar vendimmarrjen, sërish lista ishte ajo e kryetarit.
Kryetari nuk kishte mësuar asgjë nga humbja e 2017-tës, aktualisht Shqipëria është në duart e atyre që vendosin shumëçka?, u shpreh Imami./CNA.al





Lajmet e fundit nga