web counter
LEXO PA REKLAMA!

SHKARKO APP

App Store
Google Play

E fundit!

x

"Votën nuk e ndajnë janë shumë fanatikë”/ Kreshnik Spahiu: Ja kush është problemi thelbësor i zgjedhjeve

5 Maj 2021, 20:25, Politikë CNA

Ish kreu i Aleancës Kuq e Zi Kreshnik Spahiu ka komentuar humbjen e partive të vogla në zgjedhjet e 25 Prillit. Sipas tij, këto zgjedhje i kanë dhënë një goditje idesë së futjes së partive të reja në Shqipëri.

?Mendoj që nuk kanë humbur paritë e reja por Shqipëria me këtë rezultat. PD nuk ka humb por kanë humbur shqiptarët duke mos sjellë një frymë të re. Në zgjedhje e 25 prillit si asnjëherë në 20 vitet e fundit këto dy parti janë rritur duke sfumuar dhe duke i dhënë një goditje fatale idesë së futjes së partive të reja në Shqipëri. Kjo nuk ndodh as në Maqedoni, as në Kosovë, as në Mal të Zi. Shqiptarët janë afro 1 milionë që brez pas brezi nuk e ndërrojnë votën vetëm për PS dhe PD çfarëdolloj gjëje të ndodhi. Votën nuk e ndajnë janë shumë fanatikë?, u shpreh ish kreu i Aleancës Kuq e Zi.

Spahiu duke fajësuar qytetarët është shprehur se problem kryesor në Shqipëri është populli  që nuk mbështet kauzat e reja dhe liderat e rinj.

?Kush është problemi thelbësor? Shqiptarët nuk mbështesin as kauzat e reja dhe as liderët e rinj. Faji është i popullit sepse në të gjithë botën populli është turmë. Mekanizmi elektoral në Shqipëri ka bërë që nëse nuk je pjesë e një koalicione je asgjësuar?, shtoi Spahiu./ CNA.al





Lajmet e fundit nga