web counter
LEXO PA REKLAMA!

SHKARKO APP

App Store
Google Play

Gabimet e Kreut të PD/ Nard Ndoka: Iu fsheh koalicionit dhe u përpoq të krahasohej me Ramën

5 Maj 2021, 19:06, Politikë CNA

Kryetari i PDK, Nard Ndoka  ka deklaruar se kreu i Partisë Demokratike Lulzim Basha ka gabuar rëndë gjatë fushatës pasi u përpoq të krahasohej me kryeministrin Edi Rama. I ftuar në studion e MCN ai evidentoi zgjedhjet e 25 Prillit dhe u shpreh se kryedemokrati nuk paraqiti koalicionin si ekip dhe kjo solli disavantazh për opozitën.

?Është e rëndësishme që ti evidentojmë disa gjëra dhe pas një analize përgjegjësitë të shikohen edhe tek vetja. Një koalicion së bashku do ta kishte bërë Bashën kryeministër dhe opozitën maxhorancë. Nëse do të ishim një e tërë nuk do të ishin humbur shumë vota.

Nëse Rama ishte vetëm, Basha pati një koalicion, më të madhin që ka pasur një forcë politike ndonjëherë. Këtë ai nuk e paraqiti si ekip, iu fsheh koalicionit dhe u përpoq të krahasohej me Ramën, ti ngjante atij në fushatë?, u shpreh Ndoka.

Sipas tij, djegja e mandateve ishte vendim i drejtë , teksa shprehu pendesën për për kauzat e lëna përgjysëm. I pyetur se pse po fajëson PD, Ndoka u shpreh se interesi i tyre është faktimi I vjedhjes së votave.  Ai deklaroi gjithashtu se nëse opozita nuk do të kthehet në maxhorancë Ndoka do të shohë raportet e tijë.

?Interesi jonë është të faktohet vjedhja e votave, kjo është kauza sot. Kur të mblidhemi si koalicion do analizohet situate. Kolegët e mi që kthyen qindra vota në favor të tyre dhe kjo ishte e pafalshme dhe kjo do të ketë kosto edhe për koalicionin.  Unë i kam pranuar përgjegjësitë e mia. Nëse opozita nuk do të kthehet në maxhorancë, unë do të shoh raportet e mia. Përgjegjësia është e Bashës që unë jam penalizuar sot. U lash në një listë të pafavorshme, i 13 në listë.

U përpoq dhe sot jam në një periudhë për të analizuar vetveten dhe të shohim çfarë nuk ka shkuar. Do jetë lidershipi i ri që do ta shohë pozicionin tim. Unë e kam bërë publik qëndrimin tim. Do ballafaqohem me ato që më kanë mbështetur?, theksoi Ndoka./CNA.al





Lajmet e fundit nga