web counter
LEXO PA REKLAMA!

SHKARKO APP

App Store
Google Play

Sherr mes kandidatëve të LSI në Tiranë/ Ankohen te Presidenti, Meta ju përgjigjet: Merruni me Titin

5 Maj 2021, 16:53, Politikë CNA

Prej ditësh një sherr i madh ka shpërthyer mes kandidatëve të LSI të listës së Tiranës.

Ndërsa flasin publikisht për vjedhjen e votave të partisë së tyre nga ana e Partisë Socialiste, në grupin e tyre të komunikimit në whatssup akuzojnë njëri-tjetrin për vjedhje votash në garën se kush të marrë më shumë vota.

Akuzat më të shumta janë kundër Floida Kërpaçit që nuk i ka lejuar të kenë numërues dhe vëzhgues në numërimin e votave të Kombinatit.

Të prekurit nga vjedhja e votave brenda listës së LSI në Tiranë ja kanë bërë prezent shqetesimin e tyre edhe vetë Presidentit Ilir Meta, përmes mesazheve të shumta që i kanë dërguar, por nga ai kanë marrë përgjigjen e njohur: Merruni me Titin.

Po edhe Titi me çfarë të merret më parë, pasi edhe ai vetë është ankuar që i kanë vjedhur 14 vota. Pra nga 362 vota që ka marrë, do të shkonte ne 376 vota.

Shumë nga kamdidatët kanë shqetësim se nuk ju kanë dalë as votat e familjarëve të tyre në qendrat e votimit ku ato kanë votuar si për shembull kandidatët Hasanlami, Klodian Doko, Agron Karaj, Hidri etj.

Sherri është shumë i madh, ndaj një rinumërim i votave të kandidatëve të LSI do ta qetësonte situatën dhe ndërkaq do të çonte në burg numëruesit e atyre qendrave të votimit ku janë prekur votat./CNA.al





Lajmet e fundit nga