web counter
LEXO PA REKLAMA!

SHKARKO APP

App Store
Google Play

“Ka shkelur në mënyrë flagrante Kushtetutën”/ Komisioni i Ligjeve mblidhet për shkarkimin e Metës

5 Maj 2021, 10:46, Politikë CNA

Komisioni i Ligjeve ka nisur shqyrtimin e propozimit për shkarkimin e Presidentit të Republikës Ilir Meta.

Sipas tyre, Meta ka shkelur në mënyrë flagrante Kushtetutën. Vasilika Hysi tregoi disa nga shkeljet që grupi i deputetëve firmëtarë kanë evidentuar te Meta.

Sipas tyre, mesazhet e Metës ditën e heshtjes zgjedhore dhe mesazhet për prerjen e duarëve të atyre që shisnin votën janë kërcënim ndaj votuesve dhe kërcënim për demokracinë.

?Presidenti ka qenë shumë aktiv në rrjetet sociale. Vetëm në ditën e heshtjes zgjedhore, Presidenti ka nxjerr mesazhe denigruese, kërcënuese. Këto mesazhe janë publikuar dhe shpërndarë në media, dhe kjo bie ndesh me standardet ndërkombëtare. Presidentit nuk i lejohen këto mesazhe.
Presidenti nuk mund të mbajë anën e një force politike. Ai ka kryer hapur aktivitet partiak në mbrojtje të një grupi të caktuar që i përkasin opozitës.

Presidenti ka kërcënuar votuesit, duke thënë se ai vetë do iu presë duart atyre që shesin votën. Kjo termeinologji kanë nxitur dhunën dhe kanë shkaktuar ndjenjë të pasigurisë te qytetarët. Këto mesazhe nuk zgjidhin konflikte dhe ulin tensionin, por përkundrazi i kanë rritur ato.

Duke përdorur gjuhë denigruese ndaj zyrtyarëve të shtetit, Policisë ka krijuar një precedent të rrezikshëm për demokracinë. Deputetët firmëtarë evidentojnë se Presidenti ka shkelur në mënyrë flagrante Kushtetutën, ndaj vlerësojnë se Kuvendi duhet të vendos shkarkimin e tij, e më pas të vijohet me procedurat e tjera?, u shpreh Hysi./CNA.al





Lajmet e fundit nga