web counter
LEXO PA REKLAMA!

SHKARKO APP

App Store
Google Play

BE 1 milion euro Shqipërisë për pandeminë/ Rama zbardh takimin me Komisionerin Varhelyin

5 Maj 2021, 08:23, Politikë CNA

Kryeministri Edi Rama ka pritur sot në Rinas Komisionerin për Zgjerim, Oliver Varhelyi.

Në konferencën për media, Rama e falënderoi komisionerin Varhelyi, për ndihmën që i ka dhënë me sjelljen e vaksinave anti-Covid 19.

?Sapo kemi përfunduar një takim shumë miqësor me komisionerin Varhelyi, i cili edhe njëherë tjetër ka provuar përkushtimin dhe mbështetjen jo vetëm për vendin tonë, por për të gjitha vendet e rajonit, duke qenë qysh në krye të herës zëri i arsyes në KE për të mos e lënë jashtë Ballkanin Perëndimor nga skema e shpërndarjes së vaksinave dhe ka arritur ta materializojë një punë të tij disa mujore, duke përcaktuar 651 mijë doza të vaksinës Pfizer të shpërndara proporcionalisht për vendet e rajonit? është shprehur Rama.

Ndërkaq ka nënvizuar faktin se falë Komisionerit, në radhë të parë, Komisioni Evropian u rikthye si motor i solidaritetit, jo vetëm për planet e rimëkëmbjes, por edhe për vaksinimin e vendeve evropiane, përfshirë në këtë rast 6 vendet e rajonit tonë.

Sipas Ramës në lidhje me fondet për përballimin e pasojave shëndetësore të pandemisë, janë afro 1 milion euro që i takojnë Shqipërisë.

?Komisioni ka miratuar edhe propozimin e paketës së asistencës makro-financiare në mbështetje të Ballkanit Perëndimore, duke dislokuar një shumë të parë prej 90 milionë eurosh. Shuma totale prej 2.2 miliardë euro e BE do të kontribuojë edhe për lëvrimin e vaksinave për rajonin, ndërkohë që tanimë kanë mbërritur në Shqipëri dozat e para dhe deri në gusht Shqipëria do të marrë të gjithë pjesën e saj të akorduar të vaksinave?,  ka thënë Rama.





Lajmet e fundit nga