web counter
LEXO PA REKLAMA!

SHKARKO APP

App Store
Google Play

“Bojkoti në zgjedhjet vendore e nxori PD nga sistemi”/ Balla: PS është gjithmonë në avantazh

4 Maj 2021, 19:47, Politikë CNA

Kreu i grupit parlamentar dhe sekretari i përgjithshëm i PS Taulant Balla është shprehur se maxhoranca ka qenë gjithmonë në avantazh. Ai shton se jemi në një moment historik në rrugën evropiane të Shqipërisë. Balla mbështet deklaratën e se ish-deputetin të PD Eduart Selami i cili u shpreh se mosnjohja e zgjedhjeve është një proces antidemokratik dhe antikushtetues.

 ?Ka qenë gjithmonë një faktor i tretë. Në Shqipëri në gjithë këto vite gjithmonë ka një avantazh në vota të PS. Në 2009 kemi qenë në një avantazh prej 20 mijë votash me PD. Ajo që Eduard Selami kishte thënë sot me të drejtë është që mosnjohja e parlamentit, mosnjohja e rezultatit të zgjedhjeve është një akt antikombëtar. Jemi në një moment tejet historik për rrugën europiane të Shqipërisë. Ne na duhet domosdoshmërisht brenda presidencës portugeze ne të mbajmë konferencën e parë ndërqeveritare. Viti i ardhshëm fillon me presidencë franceze. Një presidencë franceze që brenda vetes ka dhe zgjedhjet presidenciale franceze. Që do të thotë që do të ishte pothuajse as duhet çuar në mendjen e ndokujt të flitet për procese zgjerimi përgjatë asaj presidence?, deklaroi Balla.

Më tej, në një intervistë për News 24, ai u shpreh se mospjesëmarrja në zgjedhjet vendore e nxori  PD nga sistemi, por shton se lajmi i rikthimit të opozitës në procesin zgjedhor është një lajm i mirëpritur.

?Të qenit jashtë parlamentit nga 26 shkurti i vitit 2019 dhe më pas dhe mospjesëmarrja në zgjedhjet vendore e nxori PD nga sistemi. Rikthimi i PD në sistem është një lajm i mirëpritur. Unë realisht e besoj dhe dua të nënvizoj atë që DASH tha që ne përshëndesim rezultatin e zgjedhjeve, vazhdojmë partneritetin e ngushtë strategjik me kryeministrin Rama, por përshëndesim edhe fushatën e PD.?, u shpreh Balla./CNA.al





Lajmet e fundit nga