web counter
LEXO PA REKLAMA!

SHKARKO APP

App Store
Google Play

Mbeti jasht parlamentit/ Ndoka ‘zbrazet’ ndaj Bashës: Nuk heq dorë nga taktikat primitive, më dha pozicion denigrues

4 Maj 2021, 17:45, Politikë CNA

Kreu i dorëhequr i Partisë Demokristiane, Nard Ndoka,  ka shprehur pakënaqësitë e tij në lidhje me Partinë Demokratike.

I ftuar në emisionin ?Me Xhaxhiun? Ndoka tha se e keqja e kësaj force politike qëndron se nuk heq dorë nga taktikat primitive.

Ndoka theksoi se ai ka dhënë kontributin e tij për koalicionin PD-AN, pavarësisht se i ishte dhënë një vend i papërshtatshëm dhe denigrues në listën për deputet.

?E keqja është se Partia Demokratike nuk heq dorë nga taktikat primitive. Unë kam qenë një kandidat i kësaj opozita dhe i kam sjellë kontributin tim me gjithë pozicionin jo komod, të papërshtatshëm dhe denigrues në raport me fuqinë e Partisë Demokristiane, por edhe me marrëveshjen zyrtare që pata me zotin Basha, të cilën ai nuk e zbatoi në mënyrë të njëanshme.

Parti Demokratike u rrit vetë dhe kjo është një gjë pozitive sipas gjykimit tim, por PD nuk mund të sigurojë një fitore pa aleatët e saj.

Edhe kryetarët e partive që u futën në lista fistuese shigjetohen me një politikë primitive dhe dashakeqe, për faktin se këto parti i japin vota koalicionit në gjithë Shqipërinë dhe shigjetohen vetëm për një zonë elektorale.

Për shembull zoti Dule u persekutua nga qarku i Vlorës ku kishte mbështetjen politike dhe u soll në Tiranë, ku u masakrua më pas për rezultatin që mori.

Ama partia e zotit Dule është kontribuese në qarkun e Vlorës, në qarkun e Gjirokastrës dhe në qarkun e Korçës. Po ashtu dhe Partisë Demokristiane, pati një masakër të votave personale?, tha Ndoka./CNA.al





Lajmet e fundit nga