E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Krimet zgjedhore/ Pse SPAK nuk e thërret Grida Dumën?

4 Maj 2021, 13:17, Politikë CNA

Mbrëmjen e kaluar Grida Duma, e cila arriti të siguronte mandatin e deputetes në zgjedhjet 25 Prillit, deklaroi se gjatë fushatës elektorale disa banda i kishin kërkuar bashkëpëunim.

?Më erdhën disa banda gjatë fushatës, nga më të ndryshmet, u vetëofruan të na sjellin pushtetin me mënyrat e tyre duke shkuar në zonat e thella duke i kërcënuar banorët.

Më thanë t?ju financojmë, por duam poste në Bashkitë gjatë zgjedhjeve lokale dhe unë shkova në zyrë dhe bëra një bisedë 3 minutëshe me Lulzim Bashën.

I thashë këta persona më kanë ofruar këtë gjë, çfarë qëndrimi do mbani ju? Dhe unë e vlerësoj shumë gjestin e atij njeriu, që vetëm me një qasje dore më tha jo. Jo absolutisht.

Unë asnjëherë nuk kam pasur dyshime, dhe asnjëherë nuk do të kem, por duhet të vija në dijeni kryetarin e partisë. Ne nuk mund të lejonim që të vinim në pushtet me këto lloj bandash. Ne jemi me kartën morale më të ndershme,? tha Duma, mbrëmjen e së hënës në një studio televizive.

Pasi, zonja Duma tha publikisht këtë gjë, SPAK i cili merret me krimet zgjedhore, duhet ta thërrasë atë, për të mësuar të vërtetën e kësaj ngjarje.

Kush e ka thirrur Grida Dumën, kush i ka ofruar marrëveshje, kur ia kanë këkruar këtë marrëveshje, cili ishte objekti i marrëveshjes, në çfarë rrethanash ku janë takuar?

Ka shumë pyetje që ngrihen.

Në çfarë ore e në çfarë vendi është bërë takimi, kush janë këta njerëz, që zonja Duma thotë, se iu përkasin bandave, cilët janë emrat dhe mbiemrat e tyre, kush ishte ndërmjetësuesi mes zonjës Duma dhe tyre.

Pra, pyetje ka plot, por duhet SPAK të reagojë dhe të bëjë detyrën.

Sepse në daljen e saj televizive, zonja Duma ka pretenduar se ka vënë në dijeni edhe kreun e PD-së, Lulzim Bashën.

Pse e fshehu për kaq kohë Grida Duma këtë fakt dhe pse nuk e ka thënë më parë publikisht, pasi ndryshe kemi të bëjmë një fshehje krimi elektoral.

Pse e tha tani që PD humbi zgjedhjet?

Pra, SPAK-u duhet ta sqarojë , rastin e zonjës Duma, nëse është shpifje, qëndrim politik nga zonja në fjalë apo ka një të vërtetë.

Në rast se ka një grimcë të vërtete në atë që thotë Duma, duhet hetuar me detaje nga SPAK-u.

Duhen gjetur të gjithë banditët, që ajo thotë, nga i pari tek i fundit e në rast se nuk ka pas pasur takim apo ofertë zonja Duma duhet të diskretitohet publikisht për këtë qëndrim të saj të turpshëm.

Për më tepër duhet thirrur edhe Lulzim Basha, që zonja Duma thotë se e ka vënë në dijeni, se përse e kanë fshehur këtë krim elektoral, që ka mbetur në tentativë, gjithnjë nëse ka ndodhur.

Pra, duhen verifikuar të gjitha rrethanat dhe nëse nuk ka ndodhur, duhet të thuhet që është qëndrim politik apo gënjeshtër e Grida Dumës.

Që shqiptarët ta dinë si qëndron e vërteta.

Se jo çdo njeri me muskuj që takon Grida Duma, si ai rasti që përmendi mbrëmë, është bandit./CNA.al