E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dy Lulzimat e PD/ Njëri njeh zgjedhjet, tjetri jo

4 Maj 2021, 11:27, Politikë CNA

Kreu i PD, Lulzim Basha, ka thirrur sot grupin e ri parlamentar të dalë nga zgjedhjet e 25 Prillit, ndërkohë që del e thotë se nuk i njeh zgjedhjet.

Basha po tallet dhe po kërkon të fitojë kohë me atë që ndodhi për të thënë se nuk qe ai shkaktari i humbjes.

Ai pretendon se zgjedhjet i ka vjedhur Rama me manipulime.

Sepse nga njëra anë thotë se nuk njeh zgjedhjet, se është rezultat deformuar dhe nga tjetër thërret grupin e ri parlamentar.

?PD nuk mund të njohë një proces zgjedhor, si ai i 25 prillit.

Mos bini në kurthin e kundërshtarit. Mblidhni faktet e manipulimeve. Javën e ardhshme do të nis tur në çdo degë të PD-së?, ka deklaruar Basha mbrëmjen e kaluar.

Por, ai tjetër thotë dhe tjetër bën, pasi me thirrjen e grupit të ri parlamentarë, ai tregon se i njeh zgjedhjet, njëherësh njeh edhe mandatet e deputetëve.

Pra, në skenë kemi dy Lulzim Basha. Njërin që në mbrëmje del e thotë se nuk njeh 25 Prillin dhe një tjetër që të nesërmen thërret grupin e ri parlamentarë.

Sipas deklaratave për mosnjohje të zgjedhjeve, grupi i ri parlamentar nuk ekziston, por në momentin që i thërret do të thotë se i njeh zgjedhjet.

Me mbledhjen e grupit të ri parlamentar, Basha legjitimon rezultatin e zgjedhjeve. Pra njeh grupin e ri parlamentar dhe njeh njerëzit e dalë nga ky proces zgjedhor.

Pra, Basha nuk mund të ketë dy qëndrime, edhe të mos njohë zgjedhjet por edhe të njohë grupin parlamentar, marrjen e mandateve dhe hyrjen në Parlament.

?As mish as peshk?, siç thotë populli.

Nëse do të shkojë në rrugën radikale, siç bëri në 2019, që dogji mandatet dhe doli në rrugë mund të vazhdojë të rrijë në rrugë, duke mbajtur qëndrimin se nuk i njeh zgjedhjet dhe fillon luftën siç e ka thënë më herët.

Por, luftë me mullinjtë e erës nuk mund të ketë. Për çfarë lufte e ka fjalën Basha, pë rata që legjitimon zgjedhjet dhe merr mandatet e deputetëve?

Të dyja këto veprime, ndonëse në kundërshtim me njëra tjetrën, tregojnë se nuk ka asnjë luftë.

Por, janë tentativat e Lulzim Bashës për të fituar kohë që të justifikohet për humbjes, për të qetësuar demokratët dhe situatën politike.

Tani do të bëjë dhe një tur nëpër rrethe, ku do të thotë se rezultati është i deformuar dhe ata mund të kenë fituar, pori kanë manipuluar.

Në këtë linjë, do të tentojnë disa rinumërime, në Durrës, në Elbasan, apo në Berat me idenë se mund të rikuperohen mandate, por në fakt në Elbasan me 66 vota e humbet një mandat PD.

Kurse e gjithë loja që mund të bëjnë për rinumërimin, maksimumi mund të çojë një mandat diku tek LSI.

Prandaj këto lëvizje, këto aksione nuk tregojnë asgjë tjetër, por vetëm tentativat e Bashës për të fituar kohë, duke deklaruar se nuk njeh zgjedhjet në teori, ndërsa në praktikë duke bërë të kundërtën, duke mbledhur grupin e ri parlamentar, duke njohur mandatet e tyre.

Në fakt, të gjitha procedurat që po ndjek, verifikimet e kamerave, rinumërimet e pretenduara , mbledhja e grupit parlamentar, turi, takimet tregojnë që Lulzim Basha i njeh zgjedhjet dhe e di që është ai humbësi, por po tenton të mbajë fort karrigen e kryetarit të PD-së./CNA.al