web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e deputetëve të PS për shkarkimin e Metës/ Bushati: Ka shkaktuar situata të rënda

5 Maj 2021, 19:28, Politikë CNA

Kryetari i Partisë Socialiste në Tiranë Ervin Bushati ka folur për çështjen e shkarkimit të presidentit Ilir Meta.

Në një intervistë për Ora News, ai u shpreh se kjo çështje do të shkojë deri në Gjykatën Kushtetuese, e cila do të vulosë fatin e kreut të shtetit.

Sipas tij, Meta ka mbajtur një qëndrim jokushtetues dhe jo ligjor ku thekson se ka shkaktuar situata të rënda dhe acaruese.

?Sot në kemi paraqitur para Komisionit të ligjeve kërkesën e 29 deputetëve për shkarkimin e Metës. Kemi paraqitur kërkesën tonë për shkeljen e Kushtetutës  nga ana e tij më shumë se  1 herë, të cilat janë paraqitur para Komisionit. Meta në mënyrë të vazhdueshme ka mbajtur një qëndrim jokushtetues dhe jo ligjor duke acaruar situatën, duke bërë thirrje për mosbindje civile për kryengritje gati me terma shumë të rënda që kanë acaruar situatën duke shkaktuar edhe konflikte sociale që mund të kenë degjeneruar edhe në vepra penale të rënda.

Çështjen e Metës do ta çojmë deri në Gjykatën Kushtetuese ku do të kërkojmë  shkarkimin e tij. Të gjitha janë brenda afateve ligjore?, tha Bushati./ CNA.al





Lajmet e fundit nga