web counter
LEXO PA REKLAMA!

SHKARKO APP

App Store
Google Play

Zjarri në shtëpinë e të moshuarve/ Rrëfimet e momenteve të panikut

30 Nëntor 2023, 11:13, Aktualitet CNA
Zjarri në shtëpinë e të moshuarve/ Rrëfimet e momenteve
Foto ilustruese

Gjatë pasdites së djeshme, shtëpia e të moshuarve në Fier u përfshi nga flakët.

Pas ngjarjes, të moshuarit janë strehuar në Spitalin Rajonal të Fierit ku dhe po marrin mjekime e po qëndrojnë në ambientet e spitalit.

Disa prej tyre kanë rrëfyer edhe momentet e panikut që kanë përjetuar gjatë kohës kur në shtëpinë e tyre ka rënë zjarr.

“U tremba. Kishte shumë tym, s’do dilja dot. Dua që të ikim nga këtu, të na rregullohet shtëpia jonë”, tha një e moshuar.

Humba ndjenjat në korridorin e azilit nga tymi, ka deklaruar një tjetër i moshuar.

Sipas shefit të pranim-urgjencës, doktor Blendi Dhespollari, fillimisht në spital janë sjellë 16 banorë të shtëpisë së të moshuarve, të cilët janë paraqitur me parametra jetikë normalë, pa probleme djegieje, pa gjendje lipotimie, koshientë, por vetëm të frikësuar.

Raportohet se dy prej tyre janë në terapi, pasi vuanin nga sëmundje kronike.

50 të moshuarit janë në gjendje të mirë shëndetësore, ndërsa kanë deklaruar se mezi po presin të kthehen në shtëpinë e tyre./ CNA





Lajmet e fundit nga