LEXO PA REKLAMA!

SHKARKO APP

Vizitoi 50 të moshuarit në spitalin e Fierit/ Balla: Të përcaktohen shkaktarët, zjarri erdhi nga jashtë godinës

29 Nëntor 2023, 22:02, Aktualitet CNA
Vizitoi 50 të moshuarit në spitalin e Fierit/ Balla: Të
Ministri i Brendshëm, Taulant Balla

Ministri i Brendshëm, Taulant Balla ka vizituar të moshuarit të cilat ndodhen në spital pasi nëj zjarr përfshiu shtëpinë e të moshuarve në Fier.

Ai bëri me dije se në spital janë 50 të moshuar aq sa është dhe total ii të moshuarve që gjenden në këtë qendër.

Në një deklaratë për mediat pasi vizitoi të moshuarit Balla bëri me dije se ata janë jashtë rrezikut për jetën dhe se do të qëndrojnë sonte në spital.

“Së pari dua të falenderoj forcat e Policisë së Shtetit, repartin e Shqiponjave, trupat e zjarrfikëseve. Falenderoj edhe vetë punonjësit e shtëpisë së të moshuarve në Fier të cilët në mënyrë të menjëhershme lergimin e banorëve. Secili prej tyre është jashtë rrezikut për jetën. Spitali ka ofruar të gjithë përkujdesjen e nevojshme. Bëhet fjalë për një zjarr që ka ardhur nga jashtë godinës por duhen bërë të gjitha hetimet për të parë se kush ka qenë shkaku i zjarrit si dhe të përcaktohen shkaktarët e këtij zjarri. Janë vizituat një për një të gjithë banorët. Janë 50 banorë të cilët bashkia Fier përkujdeset në mënyrë të vazhdueshme dhe të gjithë janë këtu.”, tha Balla.

A do të ndërtohet një godinë e re.

“Unë do të doja që të bënim një ndërtesë të re, por këto janë mundësitë tona për momentin. Ndërtesa nuk është një ndërtesë e amortizuar, është një ndërtesë që ka nevojë për përmirësime. Do të bëjmë gjithçka që kushtet në atë shtëpi të mos mungojnë.”, u shpreh Balla. / CNA

 

Lajmet e fundit nga