web counter
LEXO PA REKLAMA!

SHKARKO APP

App Store
Google Play

E përfshirë në skandalin seksual me Safet Gjicin, Gjykata e Lartë rrëzon kërkesën e Alma Kaçit

29 Nëntor 2023, 11:17, Aktualitet CNA
E përfshirë në skandalin seksual me Safet Gjicin, Gjykata e
Alma Kaçi

Gjykata e Lartë ka rrëzuar kërkesën e Alma Kaçit duke i lënë asaj në fuqi masën arrest shtëpie.

SPAK mbylli pak ditë më parë hetimet për rastin e skandalit ku u përfshi kryetari i bashkisë së Kuksit Safet Gjici dhe Alma Kaçi.

Ndaj saj rëndon akuza për veprën penale të “Korrupsioni aktiv i funksionarëve të lartë shtetërorë ose i të zgjedhurve vendorë”, të parashikuar nga neni 245 i Kodit Penal.

Alma Kaçi kërkoi rekurs në Gjykatën e Lartë pasi ndaj saj u vendos masa e sigurisë arrest shtëpie.

Nën pretendimin se ka nënën e sëmurë dhe një fëmijë të vogël të cilët kanë nevojë për kujdesin e saj, ajo kërkoi ndryshim të masës.

Kaçi dyshohet se filmoi skandalin seksual me kryebashkiakun e Kuksit Safet Gjici, në zyrën e këtij të fundit, ku pas këtij akti janë regjistruar teksa bisedonin mbi një tender për trajtimin e qenve të rrugës.

Më pas Alma Kaçi e justifikoi këtë veprim duke thënë se e kishte regjistruar videon me qëllim demaskimin e një titullari që zyrën e shtetit nuk e përdorte për hallet e qytetarëve por për afera seksuale, madje ajo ka mohuar të ekzistonte një projekt për trajtimin e qenve të rrugës sikundër dëgjohej në videoskandalin e publikuar.

Pas videoskandalit, në 24 qershor kryebashkiaku Safet Gjici u arrestua nga Prokuroria e Posaçme ku edhe u dënua nga SPAK për "Korrupsioni pasiv i funksionarëve të lartë shtetërorë ose i të zgjedhurve vendorë”, të parashikuara nga neni 260 i K. Penal, duke e lënë kështu në burg ish-kryebashkiakun.

/CNA

 





Lajmet e fundit nga