LEXO PA REKLAMA!

SHKARKO APP

FOTO/ Të veshur kuqezi dhe me gota vere në dorë, "shkrihen" së qeshuri politikanët, çfarë nuk u pa nga pritja presidenciale

29 Nëntor 2023, 09:33, Aktualitet CNA
FOTO/ Të veshur kuqezi dhe me gota vere në dorë,
Foto nga darka presidenciale

Nga buzëqeshjet e ministrave e deputetëve, deri te përqafimet e Kryeministrit Edi Rama me të ftuarit e mbrëmjes. Janë këto disa nga momentet e darkës zyrtare presidenciale.

Mbrëmë Presidenti i Shqipërisë, Bajram Begaj, organizoi ceremoninë e pritjes zyrtare në kuadër të kremtimit të 111-vjetorit të Pavarësisë së Shqipërisë, ku u mblodhën personalitete të politikës, artit, biznesit e medias.

Në fotot e mëposhtme janë disa prej momenteve më pikante të mbrëmjes ku spikat bashkimi i krerëve të shtetit të Kosovës e Shqipërisë.

Edi Rama, Linda Rama, Bajram Begaj, Vjosa Osmani e Lindita Nikolla kanë qenë pjesë e kësaj darke ndërsa ajo që bie në sy është mungesa e kryeministrit Albin Kurti, i cili ndonëse ishte pjesë e festimeve në Vlorë, nuk shihet të ketë qenë në darkën zyrtare.

Nga pamjet bie në sy përqafimi dhe raporti i veçantë i Linda Ramës me kryeparlamentaren Lindita Nikolla, ndërsa ministrja e Kulturës Elva Margariti nuk shfaq në asnjë moment ekzaltimin për eventin në të cilin merrte pjesë.

Pas disa kohësh mungesë në arenën politike, është shfaqur gjatë kësaj mbrëmjeje edhe ish-deputetja Arta Dade dhe biznesmeni kosovar Behxhet Pacolli.

Të ftuarit kanë zgjedhur një kod veshjeje që simbolizonte pikërisht motivin e festës, ngjyrat kuq e zi./CNA

 

Lajmet e fundit nga