E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënua këtë të enjte në Lozhan të Ma...

VIDEO/ 28 Nëntori, mesazhi i Mitropolitit të Korçës: Duajeni vendin me vepra

28 Nëntor 2023, 14:47, Aktualitet CNA

VIDEO/ 28 Nëntori, mesazhi i Mitropolitit të Korçës:

Imzot Joani, Mitropoliti i Korçës e Voskopojës

Imzot Joani, Mitropoliti i Korçës e Voskopojës, ka përcjellë mesazhe të rëndësishme pas meshës së Flamurit të mbajtur në juglindje të vendit. Në fjalën e tij, imzot Joani apeloi për më shumë dashuri për vendin ku jemi lindur e rritur, ndërsa tha se fjalët e mira pa vepra i ngjasojnë një peme pa fruta.

“Doksologjia ka 2 elementë kryesorë, ka falënderimin, ka edhe angazhimin. Falënderimin për Perëndinë, për vendin që na ka dhënë, na ka dhënë një vend të bukur që ka gjiithçka, ka fusha, kodra, pyje, lumenj, liqene. Falënderimi nuk mbaron vetëm thjesht duke thënë fjalë, por me vepra. Edhe ky është elementi i dytë, angazhimi. Gjithsecili nga ne nëse do Perëndinë, padyshim që do dojë edhe vendin që e ka lindur dhe rritur, e do dojë edhe popullin e tij. Atdhetar i vërtetë është ai njeri që lulëzon vendin e tij, jo ai që thotë vetëm fjalë të bukura. Fjalët e bukura pa vepra janë si pema pa fruta, e fruti i vërtetë i dashurisë është gjithmonë vepra. Ndaj le ta lulëzojmë vendin tonë e le të përpiqemi e Zoti do ta bekojë këtë vend e do të na bekojë ne”, – tha Imzot Joani, Mitropolit i Korçës e Voskopojës.

Sot mbarë Shqipëria dhe shqiptarët festojnë 111-vjetorin e Pavarësisë dhe në vend janë organizuar një sërë aktivitetesh.

Më herët në Tiranë u mbajt edhe Parada e shqiptarëve, ku u mblodhën mbi 150 delegacione shqiptarësh nga diaspora e vendi, të cilët parakaluan në bulevardin “Dëshmorët e Kombit”.

Edhe politikanët shqiptarë kanë përcjellë sot mesazhet e tyre për festën e Pavarësisë, teksa morën pjesë në ceremoninë zyrtare të vendosjes së luleve në varrin e Ismail Qemalit.

Aktivitetet për 111-vjetorin e Pavarësisë do të vijojnë edhe përgjatë pasdites, ndërsa ngjyrat kuq e zi janë sot simboli i kësaj dite./CNA