E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Dardha "pushtohet" nga turistët: Natyrë fantastike, do të shijojmë lakrorin

28 Nëntor 2023, 13:43, Aktualitet CNA

Dardha "pushtohet" nga turistët: Natyrë fantastike, do

Dardhë

Fshati turistik i Dardhës ka pritur qindra turistë nga Shqipëria dhe jashtë saj. Një fluks i shtuar i vizitorëve, të cilët e kanë pritur me padurim borën, dhe kjo ka qenë arsyeja kryesore që janë drejtuar në juglindje.

Natyra e bukur, gatimet tradicionale dhe mikpritja, kanë bërë që përshtypjet e tyre të jenë ndër më të mirat. Vetë turistët kanë treguar për City News Albania ndjesitë e bukura që u ka krijuar ardhja e tyre, jo vetëm në qytetin e Korçës, por edhe në Dardhën e bukur.

"Fshati shumë i bukur, shumë turistik. Vijmë fundjavave dhe ikim prapë në qytetet tona për punë. Kam ardhur me familjen, nusen dhe dy vajzat. Rruga pak e vështirë, me pak kujdes çdo gjë kalohet." – tha një prej turistëve.

"Kemi ardhur nga Tirana. Dardha shumë e bukur, është pak ftohtë, por është kënaqësi. Kam ardhur me familjen, rruga na shkoi mirë. Jemi shumë të kënaqur. U bëjmë thirrje njerëzve të mos largohen, të investojnë këtu, të mos shkojmë jashtë. Shqipëria ka vende përrallore. Pamja është shumë e bukur, mirë është të bëjmë edhe ski, do ta shijojmë dhe një lakror në Dardhë." – tha një tjetër turist.

"Më duket shumë e bukur, më pëlqen sepse më vjen një ndjesi shumë e mirë këtu. Bora e bardhë më pëlqen më shumë nga të gjitha. Kam ardhur dje, me prindërit dhe motrën. Hera e parë që vij këtu në Dardhë. Kam qenë në Korçë herë të tjera, por këtu jam për borën." - u shpreh një prej turistëve.

"Jemi nga Tirana, këtu në Dardhë shumë bukur. Atmosfera me borë, njerëzit duken shumë të kënaqur, ambienti shumë i mirë. Është hera e 7 ose 8 që vijmë. Besoj më pas një drekë të mirë dhe do kthehemi në Tiranë. Gatimet tradicionale, keni lakrorin, petanikun, petullat e fshira, dhe rakinë e pjekur të famshme si dhe rakinë e manit. Do t'i provojmë të gjitha."

"Hera e parë që vij nga Fieri në Korçë, dhe nga Korça në Dardhë. Jam shumë e lumtur për mikpritjen e Korçës mbrëmë në darkë. Me kulturën, edukatën dhe jemi kënaqur edhe me muzikën 'live'. Jeni njerëz mikpritës e shumë të lumtur, rrallë e gjen këtë mikpritje. Kam ardhur me shoqërinë, me zonja, gra, dhe na keni pritur me respekt. U uroj shëndet të plotë gjithë korçarëve dhe Dardhës për mikpritjen që na bëjnë ne korçarëve."

Nuk kanë munguar as turistët e huaj në Dardhë. Një turiste nga Ukraina na tregon eksperiencën e saj të parë në Korçë, duke u shprehur se do të bëjë promovimin e këtij qyteti edhe te miqtë e saj.

"Jam nga Ukraina, por jetoj në Itali për më shumë se 5 vite. Në Shqipëri kam qenë edhe më parë, por është hera e parë në Korçë. Kam ngelur e befasuar nga natyra, gatimet tradicionale, bora, njerëzit. Më pëlqen çdo gjë këtu, dhe do të rikthehem me miqtë e mi. Madje do të bëj dhe reklamë për Shqipërinë."- tha ajo.

Rruga që të çon në fshatin turistik të Dardhës ka qenë e kalueshme pa probleme, pasi gjatë natës disa borëpastruese kanë mundur ta hapin dhe ta kriposin për të shmangur problemet. Megjithatë, nga ana e instancave këshillohet përdorimi i gomave të dimrit dhe zinxhirëve. Në Dardhë po përgatitej edhe pista e skive./CNA