web counter
LEXO PA REKLAMA!

SHKARKO APP

App Store
Google Play

E fundit!

x

Zyrtarë dhe ish-zyrtarë të Policisë, në "sitën" e SPAK-ut/ Nis hetimi pasuror për Erzen Breçanin & CO

28 Nëntor 2023, 12:49, Aktualitet CNA
Zyrtarë dhe ish-zyrtarë të Policisë, në
Erzen Breçani

SPAK-u ka nisur hetim pasuror për Erzen Breçanin dhe disa zyrtarë dhe ish-zyrtarë të Policisë së Shtetit.

Mësohet se hetim pasuror po kryhet edhe për Oltion Bistrin, ish-shefin e Operacionales.

Po ashtu hetim pasuror po kryhet dhe për ish-shefin e policisë së Kurbinit, Dritan Metaj, si dhe ish-shefin e krimeve në komisiariatit nr.6, Dedan Gjoni.

Zbulohet se SPAK-u ka vënë në "sitë" edhe pasuritë e disa zyrtarëve të tjerë të policisë së shtetit dhe policisë lokale, të cilët shfaqen në komunikimet e SKY.

Për këta të fundit janë përcjellë letërporosi, për të marrë të dhëna shtesë që pritet t'u vijnë në ndihmë hetuesve.

Kujtojmë se pak ditë më parë SPAK-u kreu një operacion ku u lëshuan 11 urdhër-arreste.

Mes të arrestuarve ishin Erzen Breçani, ish-zëvendës drejtor i Policisë Tiranë, Dedan Gjoni, ish-shef i krimeve dhe Besmir Murati e Bujar Germizi.

Nga çkodimi i aplikacionit Sky janë zbardhur edhe emra të tjerë të përfshirë në korrupsion apo në ngjarje kriminale.

Po ashtu nga përgjimet kanë dalë se si bëhej trafiku i drogës si dhe lidhjet e Erzen Breçanit dhe të birit me Ervin Matën, i cili është në kërkim së bashku me Eralb Breçanin.

Po kështu në përgjime doli dhe emri i këngëtares Elvana Gjata, pasi nga bisedat Mata do të bënte transfertë 500 mijë euro nga llogaria e këngëtares.

Pas kësaj, Prokuroria e Posaçme ka nisur hetimin pasuror edhe për këngëtaren./ CNA





Lajmet e fundit nga