web counter
LEXO PA REKLAMA!

SHKARKO APP

App Store
Google Play

E fundit!

x

“Jo kampe në Shqipëri, mos na sillni skllavëri”/ Lezhianët protestojnë më 28 Nëntor kundër marrëveshjes Shqipëri-Itali

28 Nëntor 2023, 16:56, Aktualitet CNA

“Jo kampe në Shqipëri, mos na sillni skllavëri”/

Një grup qytetarësh në Lezhë, këtë të martë 28 Nëntor kanë protestuar kundër marrëveshjes për emigrantët Shqipëri-Itali.

Këtë 111 vjetor të festës së Pavarësisë së Shqipërisë, ata zgjodhën të ngrinin zërin kundër marrëveshjes që do të sjellë në Lezhë mijëra emigrantë.

“Jo kampe në Shqipëri, mos na sillni skllavëri”/

Ata kanë protestuar me pankarta në duar nëpër qytet dhe më pas kanë shkuar tek Memoriali i Skënderbeut në Lezhë.

“Jo kampe në Shqipëri, mos na sillni skllavëri”/

“Popull refugjatësh, kamp refugjatësh! Stop kësaj marrëveshje, stop propagandës!

Jo kampe në Shqipëri, mos na sillni skllavëri!

Nuk i kemi borxh askujt, mos na fusni në gjak me të hujt!

Jo dhunë kushtetutës, po luftojmë për copën e bukës!”, janë disa nga thirrjet që bënë qytetarët në protestë.  

Marrëveshja e plotë mes qeverisë shqiptare dhe asaj italiane për strehimin e emigrantëve të paligjshëm, u firmos më 6 nëntor 2023 në Romë mes kryeministres italiane Giorgia Meloni dhe kryeministrit shqiptar Edi Rama dhe  parashikon ngritjen e dy qendrave në territorin e Shqipërisë .

Pritet që 3 mijë emigrant të strehohen në këto qendra.

Kryeministri Edi Rama në daljet e tij publike ka bërë me dije se të gjitha detyrimet për emigrantët dhe për ngritjen e qendrave do të përmbushen nga Italia.

Emigrantët do të qëndrojnë në qendër deri në shqyrtimin e dokumentacionit të tyre dhe më pas do të vendoset nëse ato do të kthehen në vendin e tyre apo do të pranohen që të jetojnë në Itali./ CNA





Lajmet e fundit nga